აშშ-ში ძებნილი გარი შალონი ამერიკული ბანკიდან მოპარულ ფულს „ქართუ ბანკში“ ინახავდა.- ოპოზიცია ფულის გათეთრების მასშტაბურ სქემის არსებობას არ გამორიცხავს.

0
458
„ნაციონალური მოძრაობა“ „ბანკი ქართუს“ მიერ ფულის გათეთრების სავარაუდო სქემის შესწავლას ითხოვს.
ლევან ხაბეიშვილი ამბობს, რომ დაუყოვნებლივ უნდა დადგინდეს რა კავშირი ჰქონდა „ქართული ოცნების“ წევრს, შოთა შალელაშვილს და მის შვილს გარი შალონს “ქართუ ბანკთან'' და  ითხოვს პასუხს, ჰქონდათ თუ არა ბანკს ნფორმაცია, რომ გარი შალონი აშშ-ში ძებნილი იყო.
 
გავრცელებული ინფორმაციით, დეპუტატის შვილი ამერიკული ბანკიდან მოპარულ ფულს, სწორედ „ქართუ ბანკში“ ინახავდა. საბოლოოდ დეპუტატის ძებნილი შვილის ანგარიშები ამერიკის პროკურატურამ დააყადაღა, თუმცა მანამდე, გარი შალონმა მოასწრო და “ქართუ ბანკისგან“ მრავალმილიონიანი ქონებაც შეიძინა.
 
ოპოზიცია ფულის გათეთრების მასშტაბურ სქემის არსებობას არ გამორიცხავს.
 
"საქმე გვაქვს ფულის კლასიკურ გათეთრებასთან. შესაბამისად, ბანკმა საჯაროდ უნდა გაგვცეს პასუხი მაშინ როდესაც ამ ტრანზაქციას ახორციელებდა იყო თუ არა საქმის კურსში, რომ აშშ-ში ამ კონკრეტულ ადამიანზე იყო სისხლის სამართლებრივი დევნა და მონაწილეობა მიიღო თუ არა, ათობით მილიონობით ლარის გათეთრებაში.
 
გარდა ამისა, რომ ჩვენ ბანკისგან ვითხოვთ პასუხს, ასევე საგამოძიებო უწყებებს მოვუწოდებთ, სასწრაფოდ დაიწყოს გამოძიება, სისხლის სამართლის დანაშაულთან გვაქვს საქმე და საქმე ეხება ათობით მილიონი ლარის გათეთრებას,"-აცხადებს ლევან ხაბეიშვილი.
 
"შაბათის კურიერის“ ინფორმაციით, 2014 წელს „ქართუ ბანკისგან“, შალელაშვილებმა თითქმის, 6 მილიონ დოლარად მიწა და სასტუმრო შეიძინეს. გარი შალელაშვილის ამერიკაში ასობით მილიონი დოლარის მოპარვის ბრალდებით დაკავების შემდეგ კი მან ეს უძრავი ქონება დედას აჩუქა.
 
არსებობს ეჭვი, რომ „ქართული ოცნების“ დეპუტატის ოჯახმა ბიძინა ივანიშვილის ბანკის დახმარებით ჯერ ფული გაათეთრა, შემდეგ კი შეძენილი ქონება გადამალა.
წინა სტატიანუგზარ და ანა ბაგრატიონ-გრუზინსკები დავით ბაგრატიონ მუხრანელს სასამართლოში უჩივიან
შემდეგი სტატიააზიური ფაროსანას დამარცხებას კიდევ ორი-სამი წელი დასჭირდება – აცხადებს მინისტრი ლევან დავითაშვილი
ტელეკომპანია ოდიშის საინფორმაციო სამსახური