ხელისუფლების პოლიტიკური ვენდეტა ბიზნესზე და მმართველობის მაფიოზური და მონოპოლისტური სტილი – ასე აფასებს ბიზნესგარემოს საერთაშორისო სავაჭრო პალატის ხელმძღვანელი. ფადი ასლი აცხადებს, რომ მიმდინარეობს პოლიტიკური ვენდეტა იმ ბიზნესების წინააღმდეგ, რომლებიც ხელისუფლების ოპონენტებთან არიან დაახლოებულები.
საერთაშორისო სავაჭრო პალატის ხელმძღვანელი სოციალურ ქსელში იმ კომპანიების ჩამონათვალსაც აქვეყნებს, რომლებსაც მისი ინფორმაციით, ხელისუფლება უკვე წლებია ავიწროებს. ამ კომპანიების ნაწილი ან უკვე გაკოტრდა ან გაკოტრების პირასაა, ფადი ასლი ამბობს, რომ მათი უმრავლესობის მიმართ პოლიტიკური ანგარიშსწორება ხორციელდება. მათ შორის არის "იკონია კაპიტალი," "გიგანტი სექიურითი," „შატო თელავი,” "ალგორითმი."
ჩამონათვალში 20-მდე კომპანიაა. ფადი ასლი ამბობს, რომ ეს მხოლოდ აისბერგის მწვერვალია. საერთაშორისო სავაჭრო პალატის ხელმძღვანელი აცხადებს, რომ ბიზნესმენებს ხმამაღლა საუბარი ეშინიათ. მათ დასაშინებლად კი მთავრობა თითქმის ყველა ჯერზე ერთნაირი სქემით მოქმედებს. ფადი ასლი ამ სქემის მთავარი მოქმედ პირებს ბიძინა ივანიშვილს და მის საახლობლო წრეს ასახელებს.
მაშინ, როცა ბიზნესმენები საკუთარი ბიზნესის დაკარგვის შიშით დუმან, ხმა ბიზნეს ორგანიზაციებმა უნდა აიმაღლონ-ფიქრობს ფადი ასლი და არც იმას მალავს, რომ იმედგაცრუებულია, ხელისუფლების პირისპირ თითქმის მარტო რომ აღმოჩნდა.