ზუგდიდში „ლიბერთი ბანკის“ ინკასაციის მანქანაზე განხორციელებული შეიარაღებული თავდასხმა გახსნილია. დაკავებულია ორი ადამიანი. თავდასხმა 2 მარტს მოხდა ბრალდებულებმა ინკასაციის მანქანას ცეცხლი გაუხსნეს.
შემთხვევის შედეგად დაიჭრა ინკასატორიც. სამართალდამცველების ინფორმაციით, ინკასაციის თანამშრომლის დაყაჩაღებამდე შენიღბულმა ბრალდებულებმა დანაშაული სოფელ ონორიაშიც ჩაიდინეს. მათ ელექტროსადგურის თანამშრომლებს უკანონოდ აღუკვეთეს თავისუფლება. სწორედ აქ გაიტაცეს მათ ავტომობილიც, რომლითაც მოხდა ინკასაციის მანქანაზე თავდასხმა. გამოძიება 4 მუხლით მიმდინარეობს. დანაშაული კი 11-დან 15 წლამდე თავისუფლების აღკვეთას ითვალისწინებს.