,,იცით რატომ გააკეთა? კარგი ცხოვრება გვაქვს და იმიტომ,, – ლიბერთი ბანკის ინკასატორზე თავდასხმაში ბრალდებულის ოჯახმა გადამღებ ჯგუფს ქვები დაუშინა [Video]

0
584

ზუგდიდში, ლიბერთი ბანკის ინკასატორზე თავდასხმისა და ყაჩაღობის ბრალდებით დაკავებული  შსს-ს მოქმედი თანამშრომლის ოჯახი მედიასთან ამ თემაზე არ საუბრობს.

ომარ ხუხუას მეუღლეს არ სურს მომხდარზე საუბარი.

,,იცით რატომ გააკეთა? კარგი ცხოვრება გვაქვს და იმიტომ.  მე არ ვაგებ პასუხს მის დანაშაულზე, მე შვილები მყავს და ოჯახი მაქვს, შემეშვით,, – უთხრა ჟურნალისტებს დაკავებულის მეუღლემ

ხუხუას ოჯახის წევრებმა  ჟურნალისტებს გადაღების საშუალება არ მისცეს და  ქვები დაუშინეს. 

,,შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის და ზუგდიდის რაიონული სამმართველოს თანამშრომლებმა ზუგდიდში "ლიბერთი ბანკის" ინკასატორების დაყაჩაღების ფაქტი გახსნეს.

პოლიციამ 6 მარტს,ზუგდიდში ბრალდებულის სახით დააკავა  ორგანიზებული დანაშაულებრივი ჯგუფის წევრები: 1980 წელს დაბადებული გ.ჯ. და 1964 წელს დაბადებული ო.ხ.  მათგან ერთი – ომარ ხუხუა შსს მოქმედი თანამშრომელია. 

 

გატაცებული ფული, დანაშაულის ჩადენის იარაღი ორი ცალი "კალაშნიკოვი"-ს სისტემის ცეცხლსასროლი იარაღი, ინკასატორებისგან გატაცებული "გირსანის" ტიპის პისტოლეტები, ნიღბები, დარაჯის კუთვნილი ავტომობილი პოლიციამ ნივთმტკიცების სახით ამოიღო. დაკავებულები ჩადენილ დანაშაულს აღიარებენ",- აცხადებენ შსს-ში

 

 

 

წინა სტატია15,000 ადამიანს ხელთ აქვს ანალიზის პასუხი, რომ აქვს C ჰეპატიტი და მკურნალობის პროცესში არაა ჩართული
შემდეგი სტატიაგიორგი ქადაგიძეს დღეს სასამართლოში გამოკითხავენ. ,,ჩვენებას მივცემ ადვოკატების გარეშე” – აცხადებს ეროვნული ბანკის ყოფილი პრეზიდენტი
ტელეკომპანია ოდიშის საინფორმაციო სამსახური