ზუგდიდში, თავისუფლების მეორე შესახვევში ზურაბ პაჭკორიას საცხოვრებელი სახლი დაიწვა. ცეცხლი მეზობლებმა შეამჩნიეს და სახანძრო-სამაშველო სამსახური სწორედ მათ გამოიძახეს, რადგან მეზობლების თქმით, პაჭკორიები ერთი კვირაა არ იმყოფებიან ადგილზე, ისინი საგაზაფხულო სამუშაოებთან დაკავშირებით სოფელში იყვნენ წასულები. ცეცხლი სახლის ჭერს გაუჩნდა და მთლიანად მოედო ოთახებს. ამ დოისთვის ხანძარი ლოკალიზებულია, თუმცა დამწვარია 65 კვ. მეტრი ფართობი:"შემოვიდა შეტყობინება და ჯგუფი გავიდა, თუმცა ხანძარი იყო ძლიერი, 132 კვ.მეტრიდან დაიწვა 65 კვ. მეტრი"- განაცხადა სამეგრელო-ზემო სვანეთის საგანგებო სიტუაციების მართვის სამსახურის უფროსმა გოჩა მურღულიამ.