..სალომე ზურაბიშვილი არის სიმბოლო გაყალბებული არჩევნების” – ,,ევროპულმა სქართველომ” ბოიკოტის უფლება გამოიყენა და პარლამენტის სხდომათა დარბაზი დატოვა

0
374
ევროპული საქართველო იყენებს ბოიკოტის უფლებას და ტოვებს დარბაზს- ეს განცხადება პარტიის ლიდერმა გიგა ბოკერიამ გააკეთა.
 
მისი თქმით, სალომე ზურაბიშვილი პრეზიდენტად არჩევა ხალხის პოლიტიკური ნება არ ყოფილა, რის გამოც ოპოზიცია არ აპირებს მისი ანგარიში მოისმინოს.
ევროპული საქართველოს" ერთ-ერთი ლიდერი, დავით ბაქრაძე იმ მიზეზს განმარტავს, რის გამოც პარტიამ სალომე ზურაბიშვილს ბოიკოტი გამოუცხადა და პარლამენტის სხდომათა დარბაზი დატოვა. 
 
ბაქრაძის თქმით, სალომე ზურაბიშვილი არის გაყალბებული არჩევნების სიმბოლო. იმ არჩევნების,რომელიც ამომრჩეველზე მასობრივი ზეწოლისა და მოსყიდვით ჩატარდა. 
 
"სალომე ზურაბიშვილი არის სიმბოლო გაყალბებული არჩევნების. სიმბოლო იმ არჩევნების, რომელიც ჩატარდა ამომრჩეველზე მასიური ზეწოლით, ამომრჩევლის მასიური მოსყიდვით, რომელიც ჩატარდა კრიმინალური და ქუჩის ელემენტების ჩართულობით, არის სიმბოლო იმ არჩევნებისა, რომელსაც წითელ ხაზად გასდევდა სიძულვილის და პოლიტიკური ოპონენტების მიუღებლობა. არავინ დღემდე არ დასჯილა ძალადობის მოსყიდვის და სხვა დარღვევების გამო, არავინ პასუხს არ აგებს, იმ უმძიმესი დასკვნების გამო, რომელიც საერთაშორისო ორგანიზაციებმა გამოაქვეყნეს საქართველოსთან დაკავშირებით. არავინ დღემდე პასუხს არ აგებს იმ ზიანის გამო, რომელიც უცხოეთში და ქვეყნის შიგნით მიადგა ქართულ დემოკრატიას და საქართველოს იმიჯს. სწორედ ამიტომ ევროპული საქართველო იყენებს ბოიკოტის უფლებას და არ ვაპირებთ პროტესტის ნიშნად დავესწროთ სალომე ზურაბიშვილის გამოსვლას"-განაცხადა დავით ბაქრაძემ
 

როგორც პარლამენტის თავმჯდომარემ განაცხადა, ოპოზიციის ქმედება უნდა შეფასდეს, როგორც დესტრუქციული ქმედება.

წინა სტატიაყალბი ფულის გასაღების ორ ფაქტზე სამი პირი დააკავეს
შემდეგი სტატია..მიტოვებული და სახტად დარჩენილი” სოსო ჯაჭვლიანი და სხვები
ტელეკომპანია ოდიშის საინფორმაციო სამსახური