ყალბი ფულის გასაღების ორ ფაქტზე სამი პირი დააკავეს

0
396
საქართველოს ფინანსთა სამინისტროს საგამოძიებო სამსახურის თანამშრომლებმა, გატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, ყალბი ფულის გასაღების ორ ფაქტზე სამი პირი დააკავეს. ამის შესახებ ინფორმაციას ფინანსთა სამინისტროს საგამოძიებო სამსახური ავრცელებს.
 
„გამოძიებით დადგინდა, რომ ერთ შემთხვევაში ბრალდებულმა, კახეთის რეგიონში 200 ლარის ნომინალის ყალბი კუპიურა გაასაღა. ხოლო მეორე შემთხვევაში ბრალდებულებმა, თბილისში და შიდა ქართლის რეგიონში მდებარე სავაჭრო ობიექტებში ყალბი 100 და 200-ლარიანი კუპიურები გაასაღეს.
 
გატარებული საგამოძიებო მოქმედებების შედეგად დაკავებული პირებისგან ამოღებულია ჯამში 4 150 ლარის ოდენობის სხვადასხვა ნომინალის ყალბი კუპიურა.
 
გამოძიება მიმდინარეობს საქართველოს სისხლის სამართლის კოდექსის 212-ე მუხლის პირველი ნაწილით, რაც სასჯელის სახით ითვალისწინებს თავისუფლების აღკვეთას 4-დან 7 წლამდე ვადით“, – ნათქვამია ინფორმაციაში.
წინა სტატიაევროსაბჭოს რასიზმის წინააღმდეგ ბრძოლის უწყება მიიჩნევს, რომ საქართველომ რეკომენდაციები სრულად არ შეასრულა
შემდეგი სტატია..სალომე ზურაბიშვილი არის სიმბოლო გაყალბებული არჩევნების” – ,,ევროპულმა სქართველომ” ბოიკოტის უფლება გამოიყენა და პარლამენტის სხდომათა დარბაზი დატოვა
ტელეკომპანია ოდიშის საინფორმაციო სამსახური