რომან გოცირიძე: ,,ღარიბაშვილის დაბრუნებით არაფერი იცვლება. ივანიშვილს კი სურს საკენკი გადაუყაროს ე.წ. ძველებს”

0
431
ირაკლი ღარიბაშვილი „ქართულ ოცნებაში“ დაბრუნდა. აღნიშნულს გამოეხმაურა ფრაქცია „ნაციონალური მოძრაობის“ თავმჯდომარე რომან გოცირიძე.
 
დეპუტატის განცხადებით, ღარიბაშვილის დაბრუნებით არაფერი იცვლება. ივანიშვილს კი სურს საკენკი გადაუყაროს ე.წ. ძველებს.
 
“ თითქოს ლენინი ბრუნდებოდეს რევოლუციის წინა პერიოდში. დაბრუნდა… დაბრუნდა, რა იცვლება, რა შეიცვალა მისი მოსვლით ან წასვლით? ეტყობა ივანიშვილს უნდა საკენკი გადაუყაროს ე.წ. ძველ გვარდიას, უთხრას, ძველებსაც პატივს ვცემ, აი თქვენი ერთ-ერთი ჩემს მიერ გაგდებული ძველი შემოვაბრუნე, მაგრამ ამას არავითარი მნიშვნელობა არ აქვს.
 
თუმცა, მისი დაბრუნება ალბათ გამოიწვევს სერიოზულ განხეთქილებას მეორე მიმართულებით, ვინაიდან არიან ადამიანები, რომლებიც ერთმანეთთან შეუთავსებელია და მათ შორის პარლამენტის ერთ-ერთ ჯგუფთან მას მოუწევს დაპირისპირება… თუნდაც იგივე კალაძის მიმართულებით”, – აღნიშნა რომან გოცირიძემ.
წინა სტატია,, ივანიშვილმა ბარათეონი დააბრუნა პოლიტიკურ მდივნად”, ,,ველქამ ბექ, ჰაკიმ” – პირველი გამოხმაურებები ღარიბაშვილის დაბრუნებაზე
შემდეგი სტატიასახალხო დამცველი გიორგი გახარიას მუქარის წერილზე: ეს არის ძალიან მძიმე ბრალდება და თუკი დადასტურდა, ამაზე ძალიან სერიოზული რეაგირება არის საჭირო
ტელეკომპანია ოდიშის საინფორმაციო სამსახური