„მკვდარი სულების დაბრუნება“ ივანიშვილს პოლიტიკაში ყოფნას ვერ გაუხანგრძლივებს.” – სალომე სამადაშვილი

0
411
 
მკვდარი სულების დაბრუნება – ასე შეაფასა „ნაციონალური მოძრაობის“ ერთ-ერთმა ლიდერმა სალომე სამადაშვილმა, პოლიტიკაში ირაკლი ღარიბაშვილის დაბრუნება 
 
სამადაშვილის თქმით, „მკვდარი სულების დაბრუნება“ ივანიშვილს პოლიტიკაში ყოფნას ვერ გაუხანგრძლივებს. მისივე განცხადებით,  „ქართული ოცნება“ არის სრულიად გაკოტრებული.
 
"ეს გამოჩნდა გუშინ, ჩანს ყოველდღიურად, როცა ყველა მიმართულებით სახელმწიფო პოლიტიკა არის შესული ჩიხში. ვხედავთ, რომ არანაირი გამოსავალი ივანიშვილს არ აქვს. მკვდარი სულების გაცოცხლება- ასე დავარქმევდი ღარიბაშვილის დაბრუნებას პოლიტიკაში და მკვდარი სულების გაცოცხლება ვერავის გაუხანგრძლივებს პოლიტიკურ სიცოცხლეს. ბიძინა ივანიშვილმა ამოწურა თავის ვადა და მისმა პოლიტიკურმა პროექტმაც „ქართული ოცნების“ სახით,“-განაცხადა სალომე სამადაშვილმა.
 
ირაკლი ღარიბაშვილი მმართველ გუნდში დაბრუნდა. ის დღეს პარტიის პოლიტსაბჭოს სხდომას დაესწრო და პარტიის პოლიტიკური მდივნის თანამდებობაც ჩაიბარა.
 
არ არის გამორიცხული ღარიბაშვილი პარლამეტში აღმოჩნდეს. შესაძლოა მან კენჭი მთაწმინდის მაჟორიტარად იყაროს. ეს პოსტი მას შემდეგ გათავისუფლდა, რაც სალომე ზურაბიშვილი საქართველოს პრეზიდენტი გახდა და საპარლამენტო მანდატი დატოვა. 
წინა სტატიაგორში, ერთ-ერთ ნაქირავებ ბინაში 2 წლის ბავშვი მოიწამლა, მიზეზი, სავარაუდოდ, CO-ს გაჟონვაა
შემდეგი სტატია,,TBC ბანკის ირგვლივ გაჩენილი კითხვის ნიშნები საფრთხეს უქმნის იმ ბიზნესგარემოს, რომლის შექმნასაც საქართველო ძალიან დიდხანს ცდილობდა” – გაფრთხილება საერთაშორისო საზოგადოებრიობისგან
ტელეკომპანია ოდიშის საინფორმაციო სამსახური