მთავარისიახლეებიპოლიტიკამამუკა ხაზარაძემ სასამართლოში გახარიას მუქარის წერილი მიიტანა

მამუკა ხაზარაძემ სასამართლოში გახარიას მუქარის წერილი მიიტანა

Published on

TBC ბანკის დამფუძნებელი მამუკა ხაზარაძე საქალაქო სასამართლოში მივიდა, სადაც მისი გამოკითხვა უნდა მოხდეს. 
 
"გახარიას წერილი მოვიტანე", – განუცხადა ჟურნალისტებს მამუკა ხაზარაძემ.
 
შეგახსენებთ, რომ გუშინ პარლამენტში სიტყვით გამოსვლისას, მამუკა ხაზარაძემ განაცხადა, რომ მას შინაგან საქმეთა მინისტრმა გიორგი გახარიამ, საპრეზიდენტო არჩევნების მეორე ტურის წინ, მუქარის შემცვლი წერილი მისწერა.
 
საპარლამენტო უმრავლესობა აქამდე ხავსს ებღაუჭებოდა და გუშინ და დღეს ეჭვქვეშ აყენებდა მსგავსი წერილის არსებობას. მათ შორისაა ჯანდაცვის მინისტრი დავით სერგეენკო, რომელსაცთურმე   არ სჯერა, რომ შს მინისტრი გიორგი გახარია თიბისი ბანკის დამფუძნებელს მამუკა ხაზარაძეს დაემუქრა. მისი თქმით, ბრალდებას სჭირდება დამტკიცება ან გამორიცხვა.
 
"საკუთრივ საკითხი თავისი მასშტაბით, სპეციფიკით და საზოგადოებრივი ინტერესიდან გამომდინარე აუცილებლად მოითხოვს მაქსიმალურად გამჭვირვალე და მოკლე ვადებში განხილვას, რომ არც ერთი კითხვა არ დარჩეს პასუხგაუცემელი. ის, რაც გუშინ გაჟღერდა, არის ძალიან სერიოზული ბრალდება, რომელსაც აუცილებლად სჭირდება (როგორც ნებისმიერ ბრალდებას) დამტკიცება, ან გამორიცხვა. ისე, დასკვნის წინასწარ გენერირება სწორი არ მგონია. გიორგი გახარიას ვიცნობ, წლებია – სამსახურეობრივადაც, მეგობრულადაც და მე პრაქტიკულად გამოვრიცხავ, რომ მას ეს გაეკეთებინა“ – თქვა დავით სერგეენკომ
რაც შეეხება თავად გიორგი გახარიას, იგი გუშინ დიდი რიხით, თუმცა საკმაოდ დამფრთხალიც ჩანდა, აცხადებდა: 
 
ეს იყო ერთი პრივილეგირებული ბიზნესმენის მცდელობა პარლამენტის ტრიბუნიდან ჭორაობით იმუნიტეტის მოპოვებისა. მე წერილებს არ ვწერ. მე სათქმელს პირდაპირ ვეუბნები და პირში ყველას, მათ შორის იმ ხალხს, ვისთანაც საქმიანი ურთიერთობა მაქვს. პრივილეგირებულობა ამ ქვეყანაში ერთხელ და სამუდამოდ უნდა დასრულდეს ბიზნესში. შანტაჟის ენით საუბარი საერთოდ საჯარო პოლიტიკიდან უნდა გაქრეს და მიუხედავად ამ შანტაჟის ენით საუბრისა, ყველას მოუწევს პასუხი აგოს, როგორც თავის ვალდებულებებზე, ასევე სიტყვებზე ”.
 ,, წერტილი, წერტილი'' – გაიძახოდა შს მინისტრი გუშინ. მაგრამ როგორც ჩანს წერტილის  დასმა მისთვის ამ საქმეში ძალიან ძნელი იქნება. 

სიახლეები

20 ნოემბრის დღის მეორე ნახევრიდან ამინდი გაუარესდება – სააგენტოს პროგნოზი

გარემოს ეროვნული სააგენტოს ინფორმაციით, დასავლეთ საქართველოში 20 ნოემბრის დღის ბოლოდან 23 ნოემბრამდე და აღმოსავლეთ...

დაახლოებით სამი სართულის ნანგრევი ეყარა მას თავზე… ხელი როდესაც მოგვიჭირა მივხვდით, რომ კონტაქტური იყო -მეხანძრე-მაშველი 3 წლის თაიაზე

დაახლოებით სამი სართულის ნანგრევი ეყარა მას თავზე... ხელი როდესაც მოგვიჭირა მივხვდით, რომ კონტაქტური იყო ...

ალექსანდრე მუხაძეს უზენაესმა სასამართლომ 14-წლიანი პატიმრობა მიუსაჯა

საქართველოს უზენაესმა სასამართლომ დააკმაყოფილა პროკურატურის საჩივარი და პატიმრის წამებისთვის მსჯავრდებულ, სასჯელაღსრულების დეპარტამენტის მე-8 დაწესებულების...

კორპუსის აფეთქებას ფონიჭალაში 6 ადამიანი ემსხვერპლა

ფონიჭალაში 19 ნოემბერს მომხდარ ტრაგედიას 6 ადამიანი ემსხვერპლა. დაღუპულები არიან: ხუთი შვილის დედა ნინო...