კიევში ე.წ. კანონიერი ქურდი ლაშა ჯაჭვლიანი იგივე ,,ლაშა ოჩამჩირსკი” დააკავეს

0
681
უკრაინის მედიის ინფორმაციით,  კიევში სპეცრაზმმა ქართველი ე.წ. კანონიერი ქურდი დააკავა. 
 
დაკავებულია ლაშა ჯაჭვლიანი,  იგივე ლაშა ,,ოჩამჩირსკი', რომელიც, სამართალდამცველების ინფორმაციით, კიევში უკრაინაში გავლენის სფეროების გადანაწილების საკითხის განსახილველად ჩავიდა.
 
დაკავება კიევის ცენტრში მდებარე რესტორანში მოხდა, სადაც კრიმინალური ავტორიტეტების შეხვედრა მიმდინარეობდა. რესტორანში შეკრებას, სადაც გავლენის სფეროებს ინაწილებდნენ, სწორედ ჯაჭვლიანი ხელმძღვანელობდა
 
 
უკრაინული მედიის ცნობით,    ინტერპოლით ძებნილი  ქართველი კანონიერი ქურდი ლაშა ჯაჭვლიანი,'  ადრეც იყო დაკავებული  უკრაინელი სამართალდამცავების მიერ, მაგრამ  მოსამართლე ვინტონიაკმა  სასამართლო დარბაზიდან, გაათავისუფლა იგი და მიზეზად სამხილების არასაკმარისობა დაასახელა. ამას პროტესტი მოყვა იტალიელი სამართალდამცავების მხრიდან და უკრაინაშიც დიდი სკანდალი აგორდა  
 
 იტალიელი სამართალდამცავები  ლაშა ჯაჭვლიანს ედავებიან  იტალიაში დანაშაულებრივი დაჯგუფების შექმნის, ადამიანების გატაცების, ფულის გათეთრებისა და დოკუმენტების გაყალბების გამო… ამას გარდა ლაშა ჯაჭვლიანზე  ინტერპოლის მიერ საერთაშორისო ძებნა იყო გამოცხადებული და მას უკრაინაშიც ჰქონდა რამდენიმე კრიმინალური ეპიზოდში მონაწილეობა.  
 
ვნახოთ, რა გადაწყვეტილებას მიიღებს ამჯერად უკრაინის სასამართლო. 
 
 

წინა სტატიააშშ-ს პრეზიდენტმა უკრაინაში არსებული კრიზისის გამო რუსეთისთვის დაწესებული სანქციები ერთი წლით გაახანგრძლივა
შემდეგი სტატია,,ბატონმა ბიძინამ მადლობა მითხრაა” – ასოციაცია ,,ქერის უბნიდან” და რას ამბობენ ,,ქართულ ოცნებაში” ახალ პოლიტიკურ მდივანზე?
ტელეკომპანია ოდიშის საინფორმაციო სამსახური