,, კიდევ ერთხელ ვნახე საბჭოთა პროკურატურის მენტალიტეტი. წერილის ორიგინალი გაგზავნილია ლონდონში, ექსპერტიზაზე “, – განაცხადა მამუკა ხაზარაძემ დაკითხვიდან გამოსვლის შემდეგ

0
371
,.კიდევ ერთხელ ვნახე საბჭოთა პროკურატურის მენტალიტეტი, – ამის შესახებ სასამართლოს დატოვების შემდეგ „თიბისი ბანკის“ ერთ-ერთმა დამფუძნებელმა, მამუკა ხაზარაძემ განაცხადა.
 
„როგორც მოგეხსენებათ, გამოკითხვაზე ვიყავი, სადაც იმყოფებოდნენ პროკურორები. გამოკითხვა ჩატარდა მოსამართლის თანდასწრებით, ახლა გამოვედი. წერილის ასლი გადავეცი. ასევე გავაკეთე კომენტარები. წერილში რა წერია, ეს იყოს პროკურატურის კომპეტენცია, რამეთუ კარგად ატარებენ პრესკონფერენციებს. სამწუხაროდ, კიდევ ერთხელ ვნახე საბჭოთა პროკურატურის მენტალიტეტი. წერილის ორიგინალი გაგზავნილია ლონდონში, ექსპერტიზაზე “, – განაცხადა მამუკა ხაზარაძემ.
 
,,მამუკა ხაზარაძემ განაცხადა, რომ წერილი მან შუამავლის მეშვეობით მიიღო'', – ამის შესახებ ჟურნალისტებს პროკურორმა არჩილ ტყეშელაშვილმა განუცხადა.
 
მისივე თქმით, მამუკა ხაზარაძემ წარადგინა ელექტრონული ვერსიით დაბეჭდილი წერილი, რომელსაც არანაირი მაიდენტიფიცირებელი ნიშანი არ აქვს.
 
„მამუკა ხაზარაძემ სასამართლოზე წარმოადგინა ჩვეულებრივი ნაბეჭდი ფურცელი, რომლის შედგენა ნებისმიერ ადამიანს შეუძლია, ამ წერილში რაიმე მაიდენტიფიცირებელი ნიშნები არ ჩანს. როგორც ხაზარაძემ განაცხადა, წერილი მან მიიღო შუამავლის მეშვეობით. რაც შეეხება მის შინაარსს, წერილი ჯერჯერობით ჩვენ არ გადმოგვცემია და ამაზე ვერაფერს გეტყვით. 
 
მისვე თქმით, დაიკითხება თუ არა შინაგან საქმეთა მინისტრი გიორგი გახარია, სწორედ წერილის გაცნობის შემდგომ დაიგეგმება, თუ რას განახორციელებს პროკურატურა
 
.,, ჩვენ ყველა საჭირო საგამოძიებო მოქმედებას განვახორციელებთ“, – განაცხადა პროკურორმა არჩილ ტყეშელაშვილმა
 
 
წინა სტატია“მთვარის ბიბლიოთეკა”- ისრაელმა გასულ კვირას მთვარეზე DVD დისკზე ჩაწერილი 30 მილიონგვერდიანი არქივით დატვირთული კოსმოსური ხომალდი გაუშვა
შემდეგი სტატიასალომე ზურაბიშვილი პრეზიდენტის რანგში პარლამენტის წინაშე პირველად წარდგება
ტელეკომპანია ოდიშის საინფორმაციო სამსახური