მამუკა ხაზარაძემ რამდენიმე წუთის წინ პარლამენტში იმ მაღლჩინოსნის ვინაობა დაასახელა, ვისგანაც წერილი მიიღო და ვინც საპრეზიდენტო არჩევნების მეორე ტურის წინ ემუქრებოდა – „მუქარის წერილი იყო შს მინისტრისგან, ბატონი გახარიასგან“ – განაცხადა მან.
„ჩვენ ნამდვილად არ ვართ პოლიტიკოსები და არ ვაპირებთ წერილების ფრიალს, მაგრამ იმდენად მნიშვნელოვანია. არ გვინდა პოლიტიკურ დებატებში ჩავერიოთ. გვინდა დაგვეხმაროთ , რომ შეიქმნას სიმშვიდე და გავაგრძელოთ საქმიანობა.
წერილი იყო შს მინისტრისგან მოწერილი, ბატონ გახარიასგან. ეს არის მუქარის წერილი, რაღაცის შესრულების საფასურად, რომელიც ჩვენ არ გავაკეთეთ და არც გავაკეთებთ “- განაცხადა ხაზარაძემ.
საუბარია წერილზე, რომელშიც ხაზარაძე პირდაპირი მუქარით ეუბნებოდა, დაანგრევდა მის რეპუტაციას ადგილზეც და საერთაშორისო ასპარეზზე, თუკი არათუ ბანკის სამეთვალყურეო საბჭოს თავმჯდომარის თანამდებობიდან, საბჭოდანაც მთლიანად არ წავიდოდა. წერილის შინაარსი მამუკა ხაზარაძემ დღეს გაახმაურა პარლამენტში საფინანსო-საბიუჯეტო კომიტეტის სხდომაზე, სადაც დეპუტატები მას და ბანკის კიდევ ერთ დამფუძნებელს ბადრი ჯაფარიძეს უსმენენ.