აბაშის მუნიციპალიტეტში გუშინ მძიმე ავტოსაგზაო შემთხვევა მოხდა, . ერთმანეთს მიკროავტობუსი და მსუბუქი ავტომობილი შეეჯახა, რა დროსაც 10 ადამიანი დაშავდა.
ავტოსაგზაო შემთხვევის შედეგად დაშავებულების ნაწილი ქუთაისში გადაიყვანეს.
2 დაშავებული მოთავსებულია ნეიროქირურგიულ განყოფილებაში თავის ტვინის შერყევით, ერთი ქირურგიულში – ლავიწის ძვლის მოტეხილობით, ორი კი ემერჯენსის განყოფილებაში ნეკნების მოტეხილობით და სხეულის დაჟეჟილობით. ექიმების გამცხადებით, ჰოსპიტალიზებული პაციენტების ჯანმრთელობის მდგომარეობა სტაბილურია.
შს სამინისტროს ინფორმაცით, მომხდარზე გამოძიება სისხლის სამართლის კოდექსის 276-ე მუხლის პირველი ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.