ვენაში გაუჩინარებული ქართველი სტუდენტი, ანრი ლომიძე, ფლორენციაში იპოვეს. ანრი ახლა ჯანმრთელადაა და თავს კარგად გრძნობს. თუმცა, გაირკვა ისიც, რომ ის გზაში ცუდად გახდა და საავადმყოფოში გადაიყვანეს.
ის იტალიაში მცხოვრებ დედასთან მიდიოდა. საქართველოს პოლიციის ატაშეს მეშვეობით ინფორმაცია სტუდენტის ოჯახს უკვე მიაწოდეს.
სხვა დეტალები ამ ეტაპზე უცნობია.
შეგახსენებთ, ქართველ სტუდენტს ოთხი დღე ეძებდნენ. ანრი ლომიძე ქუთაისიდან არის და უკვე ორი წელია ვენაში ცხოვრობს. როგორც მისი გაუჩინარების შემდეგ ამბობდნენ მეგიობრები, მათ შორის მცირე კონფლიქტი მოხდა, რის შემდეგაც ქართველმა სტუდენტმა უცხოელ მეგობრებთან ერთად ნაქირავები ბინა დატოვა და ქართველ მეგობართან მივიდა, რომელიც სახლში არ დახვდა. ამის შემდეგ მისი კვალი დაიკარგა. მას არც დედასთან დაურეკავს
ანრი ლომიძის ძებნაში აქტიურად იყო ჩართული ავსტრიის პოლიცია და საქართველოს საგარეო საქმეთა სამინისტრო.
.