სამწუხაროა ის ფაქტი, რომ საერთაშორისო დამკვირვებლები საუბრობენ ისეთ ისეთ საკითხებზე, როგორიც არის ადმინისტრაციული რესურსის გამოყენება და ამომრჩევლის სავარაუდო მოსყიდვის შემთხვევები – ასე გამოეხმაურა საქართველოს სახალხო დამცველი ნინო ლომჯარია ეუთო-ს ანგარიშს , რომელიც საკმაოდ კრიტიკული აღმოჩნდა იყო და, მისი შეფასებით, მნიშვნელოვნად აზარალებს ქვეყნის იმიჯს.
"არ მქონდა შესაძლებლობა, რომ სრულად გავცნობოდი ამ ანგარიშს, თუმცა ძირითად დასკვნებს გავეცანი რაც მედიასაშუალებით გავრცელდა. რაც საყურადღებოა ის, რომ ძალიან კრიტიკული შეფასებები იყო. სამწუხაროა, რომ ეს რეკომენდაციები რაც გვეგონა, რომ წლების წინ კეთდებოდა და თითქოს გარკევეული პერიოდის გასვლის შემდეგ აღარ უნდა ყოფილიყო აქტუალური ქართული არჩევნებისთვის, სამწუხაროდ, კვლავ დაბრუნდა ამ ანგარიშში. სამწუხაროა, რომ კვლავ საუბრობენ საერთაშორისო დამკვირვებლები ისეთ საკითხებზე, როგორიც არის ადმინისტრაციული რესურსის გამოყენება, ამომრჩევლის სავარუდო მოსყიდვის შემთხვევები და ხელისუფლების ასე ვთქვათ რესურსის მონაწილეობა კონკრეტული კანდიდატის სასარგებლოდ. ასეთი დასკვნები ძალიან მნიშვნელოვნად აზარალებს ჩვენი ქვეყნის დემოკრატიულობის ხარისხის შეფასებას და ვფიქრობ, რომ ნამდვილად უნდა გაითვალისწინოს ეს საკითხები ხელისუფლებამ სამომავლო არჩევნების განმავლობაში",- განაცხადა ლომჯარიამ.
ნინო ლომჯარიას განცხადებით, მარტში ომბუდსმენის აპარატი პარლამენტში 2018 წლის ადამიანის უფლებების დაცვის შესახებ ისაუბრებს.
„რაც შეეხება სახალხო დამცველის პოზიციას, ჩვენ ძალიან მალე გვექნება 2018 წლის ადამიანის უფლებების დაცვის საკითხი წარდგენილი პარლამენტისთვის მარტის თვეში, სადაც ძალიან ვრცლად და დეტალურად შევეხებით არჩევნების მიმდინარეობას და ასევე შევაფასებთ ყველა იმ აქტუალურ საკითხს, რაც ჩვენი აზრით იყო პრობლემატური არჩევნების მიმდინარეობისას",-განაცხადა ლომჯარიამ.