სოფელ ჩხორიაში,იმ უბანში სადაც რკინის ხიდი დაზიანებულია და მოსახლეობა მდინარეზე მხოლოდ ფეხით გადადის, 89 წლის ქალბატონი გარდაიცვალა. სოფლის მაცხოვრებლები სამძიმარზე მისვლას ჩანგრეული ხიდის გამო ვერ ახერხებენ. როგორც „ოდიშინიუსს“ გარდაცვლილის მეზობელმა მარიკა თოდუამ უთხრა, მთავარია ხიდის გამაგრება ამ ეტაპზე,რომ მეზობლებმა დაიტირონ, ვინაიდან მეორე მხარეს ვერ ახერხებენ გადასვლას. ქალბატონი ნაშუადღევს გარდაიცვალა. მარიკა თოდუას თქმით, ხიდამდე მისასვლელი გზაც დატბორილია „დაგვპირდა სოფლის რწმუნებული, რომ მოხრეშვას გააკეთებენ, სხვა არ ვიცი, თუ არადა მერე სოფელი რაღაცას გააკეთებს, მაგრამ არ ვიცი რა გამოვა“- განაცხადა თოდუამ.
ზუგდიდის მუნიციპალიტეტის მერიაში “ოდიშინიუსს“ განუცხადეს, რომ პროექტირება დასრულებულია და ტენდერი ორშაბათს გამოცხადდება, თუმცა მანამდე, უწყების ინფორმაციით, დროებითი გასამაგრებელი სამუშაოები ჩატარდება