ტელეკომპანია „ოდიშის“ პირდაპირ ეთერში, სადაც საუბარი იყო ზუგდიდში, სკეიტ-პარკის ტერიტორიაზე კომპანია m2-ის მიერ სასტუმროს შესაძლო მშენებლობის საკითხზე, „სამეგრელოს ხმის“ ლიდერმა თენგიზ ჯგუშიამ გადაცემის მსვლელობისას დარბაზის იმ ნაწილში, სადაც ხელისუფლების წარმომადგენლები ისხდნენ, მწვანე ზონარი გაავლო, რამაც დარბაზში მყოფთა ნაწილის გაღიზიანება გამოიწვია, ზუგდიდის ვიცე-მერის მოვალეობის შემსრულებლის გიორგი შენგელიას მხრიდან უკმაყოფილება მოყვა ჯგუშიას ამ ქმედებას: „ჩვენ აქ მოვედით ძალიან საჭირბოროტო თემაზე სასაუბროდ და არა ასეთი ცირკის და შოუების საყურებლად. მზად ვართ ნებისმიერ განხილვაში მივიღოთ მონაწილეობა და გავიგოთ საზოგადოების აზრი და ნამდვილად არ იყო საჭირო ეს შოუ“- განაცხადა გიორგი შენგელიამ. „მწვანე ბაწარი არის სიმბოლო ხელისუფლების ხალხისგან დაშორების და ზუგდიდელი მოქალაქეების ინტერესების მიმართ უპასუხისმგებლობის“- განაცხადა თენგიზ ჯგუშიამ.