,, ნაციონალური მოძრაობა” პარლამენტის საგანგებო სხდომის მოწვევას მოითხოვს: ,,საქართველოს ყველა მოქალაქეს აქვს უფლება ქონდეს ინფორმაცია იმაზე, თუ რა საფრთხე ემუქრება დღეს ანაკლიის პორტს”

0
371
პარლამენტში ჩაშლილი სხდომის შემდეგ „ნაციონალური მოძრაობის“ ერთ-ერთმა ლიდერმა სალომე სამადაშვილმა ანაკლიის პორტთან დაკავშირებით საგანგებო სხდომის მოწვევა მოითხოვა:
 
„პარლამენტში დღევანდელ კომიტეტის სხდომაზე ნათელი გახდა, რომ საქმე გვაქვს სახელმწიფო უწყებების კოორდინირებულ ქმედებასთან, რომლის სამიზნე არის არა მხოლოდ თიბისი ბანკი, არამედ სახელმწიფოსთვის და თითოეული მოქალაქისთვის ძალიან მნიშვნელოვანი პროექტი, როგორიც არის ანაკლიის პორტი.
 
როგორც ჩანს, ბიძინა ივანიშვილის საბოლოო სამიზნეს წარმოადგენს სწორედ ანაკლიის პორტი, ამ პროექტის ჩაშლის მცდელობას დიდი ხანია ეწევა რუსეთი. საქართველოს ყველა მოქალაქეს და საქართველოს პარლამენტს აქვს სრული უფლება ქონდეს ინფორმაცია იმაზე თუ რა საფრთხე ემუქრება დღეს ანაკლიის პორტს.
 
შესაბამისად, დღეს მე მივმართავ ოფიციალური წერილით საგარეო ურთიერთობათა კომიტეტს, უახლოეს დღეებში მოიწვიოს საგანგებო სხდომა ანაკლიის პორტის თემაზე, რომელზეც გამოცხადდებიან როგორც შესაბამისი უწყებების წარმომადგენლები , ასევე ანაკლიის კონსორციუმის წევრები და საჯაროდ განხილული იქნება ის დეტალები, რომელიც უკავშიდება ამ პროექტის მომავალს, იმიტომ რომ ჩვენ საქმე გვაქვს ქვეყნის სტრატეგიულ ინტერესებთან.  ამ სტრატეგიულ ინტერესების დაცვა არის პარლამენტის და ყველა კომიტეტის პირდაპირი ვალდებულება, თუ ამ კომიტეტის მოწვევაზე უმრავლესობა უარს იტყვის, საქართველოს მოქალაქეები კიდევ ერთხელ დარწმუნებიან იმაში, რომ სახელმწიფო უწყებები, მათ შორის პარლამენტი პირდპირ ემსახურება მხოლოდ და მხოლოდ ბიძინა ივანიშვილის ინტერესებს მათ შორის ანაკლიის პროექტის ჩაშლას ან მითვისებას.
 
იმედი მაქვს პარლამენტში წარმოდგენილი ყველა ოპოზიციური ჯგუფი მხარს დაუჭერს ჩვენს მიერ წარმოდგენილ ინიციატივას.“- განაცხადა სალომე სამადაშვილმა.
წინა სტატიაბულინგი, როგორც ასეთი: “სკოლაში დამცინოდნენ ჩემი სახელის, მეგრული კილოსა და ჭარბი წონის გამო, “დაბალი ღობე” მნახეს სოფლიდან “ჩამოთრეული”
შემდეგი სტატია,, ხაზარაძეს, რომელიც კრიმინალად განოიყვანეს, ორი საათის განმავლობაში აყურებინეს ცირკს და მორჩა კრება, წადითო”. – ოპოზიცია დღევანდელ სხდომაზე განვითარებულ მოვლენებზე პასუხისმგებლობას ბიძინა ივანიშვილს აკისრებს
ტელეკომპანია ოდიშის საინფორმაციო სამსახური