გაერთიანებული ოპოზიციის ერთ-ერთი ლიდერი, გრიგოლ ვაშაძე დავით კირკიტაძის მიმართ მოსამართლის დღევანდელი გადაწყვეტილებას სამარცხვინოს უწოდებს.
მისი თქმით, ივანიშვილები, მურუსიძეები და ჩინჩალაძეების სახით საქართველოს „პატარა ცახესი“ აზის თავზე.
„ეს არ არის სასამართლო ეს არის სრული ფარსი, საქართველოს თავზე აზის „პატარა ცახესი“, რომელსაც გაუგებარი მიზეზების გამო ჰქვია მურუსიძეები, ჩინჩალაძეები, ივანიშვილები. ეს არის ქაფი, რომელიც ჩვენს ქვეყანაში ამოტივტივდა, მოსამართლეს არგუმენტიც კი არ ჰქონდა. ადამიანი იმყოფება უკანონო ტყვეობაში პოლიტიკურ პატიმრობაში, სამარცხვინო ქვეყანაში ვცხოვრობთ, ყურებამდე ვართ ნაგავში, თავისუფალი სუნთქვა ჭირს, მეგობრებო და ვინც „ქართულ ოცნებას“ შეგნებულად ხმას აძლევთ, დატკბით, ჯერ თქვენამდე არ მოსულან, მაგრამ აუცილებლად მოვლენ, იმიტომ რომ ამ ე.წ. ხელისუფლებამ პუტინის რეცეპტების გარდა არაფერი არ იცის. დავით კირკიტაძე არის ივანიშვილის პირადი პოლიტიკური პატიმარი, ისევე როგორც ახალაია, ცააძე, რომან შამათავა და ვანო მერაბიშვილი", – განაცხადა ვაშაძემ