დავით ქირია ქართველი კიკბოქსიორია, რომელიც იბრძვის მსუბუქ წონით კატეგორიაში. 2014 წლის 8 მარტს, ხორვატიის დედაქალაქ ზაგრებში გახდა მსოფლიო ჩემპიონი K1-Glory ვერსიაში, მსუბუქ წონით კატეგორიაში.
2017 წლის 26 ნოემბერს დავით ქირიამ პარიზში გამართულ ფრანგული კიკბოქსინგის (სავატე) მსოფლიო ჩემპიონატზე ნახევარფინალში დიდი უპირატესობით დაამარცხა უკრაინელი მებრძოლი სერგეი კალიუბა, ხოლო ფინალში ასევე დიდი უპირატესობით დაამარცხა მოქმედი ჩემპიონი ფრანგი ლუდოვიკ ნასიბოუ და დაეუფლა მსოფლიოს ჩემპიონის ქამარს.