“სააკაშვილ-ბოკერიას დანაშაულებრივ რეჟიმად გამოცხადების” ინიციატივა ჩავარდა. მას მხარი დაუჭირა მხოლოდ 45 ბნელმა დეპუტატმა კარაბას -ბარაბასის მარიონეტების ყუთიდან

0
379
პარლამენტმა “სააკაშვილ-ბოკერიას დანაშაულებრივ რეჟიმად გამოცხადებას" მხარი არ დაუჭირა.
 
"პატრიოტთა ალიანსის" ინიციატივამ  "პატრიოტთა ალიანსის''  6 დეპუტატის გარდა "ქართული ოცნების" 39 დეპუტატის მხარდაჭერა მიიღო, დანარჩენებმა კი თავი შეიკავეს. კენჭისყრის დაწყებამდე პარლამენტის თავმჯდომარემ განაცხადა, რომ მათთვის ინიციატივის პათოსი მისაღებია, თუმცა სამართლებრივი შენიშვნები აქვთ.
 
საპარლამენტო უმრავლესობის 39 წევრისთვის გაუგებარია, რატომ არ დაუჭირეს თანაგუნდელებმა მხარი.
 
.კანონპროექტზე ხელმომწერი ერთ-ერთი დეპუტატი ბექა ნაცვლიშვილი ამბობს, რომ ის ყველა კანონპროექტს დაუჭერს მხარს, რომელიც წინა ხელისუფლების დანაშაულებრივ ქმედებებს შეფასებას მისცემს.  
 
„ნებისმიერი სიმბოლური აქტი, რომელიც იქნება მიმართული ნაციონალური მოძრაობის ხელისუფლების კიდევ ერთხელ გააზრებისკენ მხარს დავუჭერ. რატომ ჩავარდა ეს მე გამიკვირდა"-ამბობს ნაცვლიშვილი.
 
გაკვირვებას ვერ მალავს კობა ნარჩემაშვილიც.   "ამ რეზოლუციისთვის მხარის არ დაჭერა ჩემთვის გაუგებარია"-ამბობს იგი
 
"ნაციონალურ მოძრაობაში" კი აცხადებენ, რომ ის 45 დეპუტატი, რომელმაც ამ კანონპროექტს მხარი დაუჭირა, ბნელია. რომან გოცირიძემ პარლამენტში 45 დეპუტატის სია ( 39 დეპუტატი "ქართული ოცნებიდან") მოიტანა, მათ ბნელები უწოდა და სია სასესიო დარბაზში შესასვლელ კარზე გააკრა. 
 
„ეს არის სამარცხვინო სია 45 ბნელი დეპუტატისა, რომელმაც რისკის ქვეშ ჩააყენა   ქვეყნის პოლიტიკური მომავალი და ამ სიას უყარა კენჭი. მოვიტანე ეს სია, მოვიტანე "სკოჩი" და ამას ვაკრავ აქ.  და ყველამ ჩაიხედოს ამ სამარცხვინო სარკეში. ეს ხალხი, რომელიც ზოგიერთი პარლამენტის შენობაში ამ დარბაზსაც კი ვერ აგნებს, უნდა წავიდნენ და აკეთონ თავის საქმე,“-განაცხადა რომან გოცირიძემ.
წინა სტატია,,არაფერია გამორიცხული, მაგრამ ეკა ბესელიას გამყოლად არ მგონია, გამოვდგე”- ნუკრი ქანთარია გუნდში ,,შენჯღრეული მდგომარეობისა” და თავისი შესაძლო წასვლის შესახებ
შემდეგი სტატია,,ქართული ოცნება” საკონსტიტუციო უმრავლესობას კარგავს. ,,მე პირადად საკონსტიტუციო უმრავლესობას სულ არ გამოვეტირები” – აცხადებს თამარ ჩუგოშვილი
ტელეკომპანია ოდიშის საინფორმაციო სამსახური