„ქართული ოცნება“ არამხოლოდ საკონსტიტუციო უმრავლესობას დაკარგავს, არამედ, ძალიან მალე დაკარგავს ხელისუფლებას და ეს გარდაუვალია,“ – ასე გამოეხმაურა უმრავლესობაში მიმდინარე მოვლენებს „ნაციონალური მოძრაობის" ერთ-ერთი ლიდერი ნიკა მელია.
როგორც "მან ა მმართველ გუნდში არსებულ დაპირისპირებაზე საუბრისას აღნიშნა, ივანიშვილის გუნდის ხელისუფლებიდან წასვლა გარდაუვალია.
„რომ დავაკვირდეთ, რითია დაკავებული „ქართული ოცნება“ და ბიძინა ივანიშვილი უკანასკნელი ერთი წლის განმავლობაში, არაფერით, გარდა შიდა კინკლაობისა.
ვინმეს ახსოვს რომელიმე ლიდერის მხრიდან პენსიონერის ხსენება? ან მაგალითად, რა უნდა ვთქვათ, როცა კომუნალური გადასახადები თვიდან თვემდე მატულობს.
„ქართული ოცნების“ დაშლა არის გარდაუვალი, რომელიც დაგვირგვინდება მათი მარცხით უახლოეს პერიოდში", – აღნიშნა ნიკა მელიამ.
ამ მხრივ გარკვეული საფრთხეების შეგრძნება გაჩნდა თავად „ქართული ოცნების“ რიგებშიც. ნუკრი ქანთარია საპარლამენტო უმრავლესობის შიგნით ცვლილებების აუცილებლობაზე საუბრობს. მისი თქმით, იმ შემთხვევაში თუ გარკვეული კონფიგურაცია არ მოხდა, ისეთი პროცესები, რომელიც ბოლო პერიოდია შეუქცევად ხასიათს იღებს, გაგრძელდება. უმრავლესობასაც მოვუწოდე, რომ დაუგდეთ ყური მომავალს, რა ხმები ისმის მომავლიდან და ვთქვი, რომ არ ისმის სასიამოვნო ხმები, თუ გვაქვს სმენა,“-აცხადებს ნუკრი ქანთარია.