შუშის სასახლეში ქურდული გარჩევის დროს ოლიგარქმა 100:0 დაამარცხა მამუკა ხაზარაძე და აიძულა დაეტოვებინა ბანკი, რომელსაც შეალია ცხოვრება

0
386
ხაზარაძემ წერილით პირდაპირ დაადასტურა ის, რაზეც ბოლო ერთი წელია, ყველა ბიზნესმენი პირად საუბრებში ამბობს, რომ საქართველოში მოქმედებს ივანიშვილის არაფორმალური ბრძანება.
 
ამ ბრძანებით ბიზნესმენებს დაწესებული აქვთ ლიმიტი, რომლის ზევითაც, მეტი ფული აღარ უნდა ჰქონდეთ. ვისაც აქვს, უნდა დათმოს. ხაზარაძე ამბობს, რომ სხვა გზა არ დაუტოვეს.
 
ოპოზიციაში კი აცხადებენ, რომ ის არც ბრალის წარდგენასა და დაპატიმრებას არ უნდა გამორიცხავდეს.
 
„ბიოლოგიურად ვერ იტანს ბიძინა ივანიშვილი ყველა წარმატებულ ან პოტენციურად წარმატებულ ადამიანებს. გამომდინარე იქიდან რომ მას უბრალოდ ეშინია, აიძულა მამუკა ხაზარაძე ბიძინა ივანიშვილმა რომ დაეტოვებინა ბანკი, რომელსაც შეალია ცხოვრება. ნოემბრის თვეში გაავრცელებინა განცხადება, სადაც მოუწოდა 7000 თანამშრომელს, რომ მხარი დაუჭირეთ ბიძინა ივანიშვილსო და სამ თვეში გააგდო საკუთარი სახლიდან. დაპატიმრებასა და ბრალის წარდგენას მამუკა ხაზარაძის წინააღმდეგ მამუკა ხაზარაძე არ უნდა გამორიცხავდეს. მთავარი ფილოსოფია ბიძინა ივანიშვილის ახლა რა არის?-ივანიშვილი ცდილობს ახლა ხაზარაძეს ჩაარტყას თავში რომ ხვალ და ზეგ ყველა იყოს დაშინებული“-ამბობს "ნაციონალური მოძრაობის" ერთ-ერთი ლიდერი ნიკა მელია
 
„ის, რომ საქართველოში არ არსებობს სასამართლო სისტემა და მას არ ენდობა ჩვენს ქვეყანაში არავინ, ეს ყველამ იცის. მაგრამ გუშინ ლონდონში „თიბისი ბანკის“ მნიშვნელოვანმა აქციონერებმა, მსოფლიოში ცნობილმა უდიდესი კომპანიის წარმომადგენლებმა განაცხადეს, რომ ისინი სასამართლო დავას წყვეტენ „თიბისი ბანკთან“ დაკავშირებით. ეს არის პირდაპირი ვერდიქტი საქართველოს სასამართლო სისტემისადმი, რომ არავითარი აზრი საქართველოში სასამართლოში განხილვას არ აქვს, ვინაიდან სასამართლო „თიბისისთან“ დაკავშირებით შედგა ბიძინა ივანიშვილის შუშის სასახლეში, იმ ქურდული გარჩევის დროს მან 100:0 დაამარცხა მამუკა ხაზარაძე.ეროვნული ბანკის პრეზიდენტს დარჩა 5 წელიწადი. ამ ნდობით და ამ რეპუტაციით მას საქართველოს ეროვნული ბანკის მართვა არ შეუძლია. როცა ვამბობდით, რომ ეროვნული ბანკი არის მთავრობის განყოფილება, ძალიან ვცდებოდით – ეროვნული ბანკი გადაიქცა შსს-ს ერთ-ერთ ქვესტრუქტურად,“ – განაცხადა რომან გოცირიძემ.
 
ამასთან, რომან გოცირიძემ დეპუტატებს მოუწოდა, შეეწყვიტა „ქილიკი“ აღნიშნულ საქმესთან დაკავშირებით.
 
„მამუკა ხაზარაძე მანამდე სასურველი პიროვნება იყო და ახლა ნუ ქილიკობთ. თქვენ ნებისმიერს გაჭყლეტთ, თუმცა თქვენ ვინ გეკითხებათ, თქვენი უფროსი,“ – განაცხადა რომან გოცირიძემ.. 

წინა სტატიაარაფორმალური მმართველობა, კორუფცია და გაუმჭვირვალობა, სახელმწიფო ინსტიტუტები ქრებიან – საით მიყავს ქვეყანა ბიძინა ივანიშვილს?
შემდეგი სტატიაორსანტია-ოტობაიას შემზარავი კადრები – „ქვეყანას იარები აქვს. სამეგრელოს მდგომარეობა უმძიმესია”
ტელეკომპანია ოდიშის საინფორმაციო სამსახური