რომან გოცირიძე მამუკა ხაზარაძის ბანკიდან წასვლას ეხმაურება და აღნიშნავს, რომ როგორც ჩანს, უცხოელმა პარტნიორებმა, ფული არჩიეს სამართლიანობას.
„ბანკმა ბოლო პერიოდში 200 მილიონი დოლარი იზარალა. მამუკა ხაზარაძეს სხვა გამოსავალი არ ჰქონდა – ან წასვლა, ან ბანკის კიდევ უფრო დიდი რისკის ქვეშ დაყენება. უცხოელმა პარტნიორებმა, როგორც ჩანს, ფული არჩიეს სამართლიანობას. შეიძლება ვერც გაამტყუნებ, როცა ქვეყანაში არ არსებობს სასამართლო და ქვეყანას ჯერ კიდევ ერთი ახირებული კაცი მართავს. ახლა ჩვენი ვალია ყველამ ერთად დავიცვათ ანაკლია. მას ასე ადვილად ვერ დაითრევს. იქ დიდი გეოპოლიტიკური ინტერესები დევს. ეროვნული ბანკის პრეზიდენტი, რომელიც სამშაბათს გამოცხადდება პარლამენტში, მზად უნდა იყოს გადადგომისათვის. მას დაკარგული აქვს ნდობა. ამის გარეშე კი მისი იქ დარჩენა მხოლოდ ზიანის მომტანია“, – წერს რომან გოცირიძე სოციალურ ქსელში თავის გვერდზე.