ორსანტია-ოტობაიას შემზარავი კადრები – „ქვეყანას იარები აქვს. სამეგრელოს მდგომარეობა უმძიმესია”

0
378
,,დემოკრატიული მოძრაობის" ერთ-ერთი ლიდერი გუბაზ სანიკიძე ეხმაურება გუშინ მედიაში გავრცელებულ ვიდეოსიუჟეტს, რომელიც საოკუპაციო ხაზზე გადაიღეს რადიო ათინათის ჟურნალისტებმა
 
 შემზარავ კადრები  ვიხილეთ გუშინ, როგორ დასტიროდა ჭირისუფალი საკუთარ ცხედარს ხიდს აქეთ. აფხაზები საერთოდ ჭკუიდან გადავიდნენ, –  აღნიშნავს გუბაზ  სანიკიძე
 
მისი  განცხადებით, არსებობს ფასეულობები, რომელიც მხოლოდ ქრისტიანული აღარ არის და მიცვალებულის დატირების უფლება ყველა ერში და ყველა რელიგიაში ერთნაირად ფასეულია.
 
„ქვეყანას იარები აქვს. სამეგრელოს მდგომარეობა უმძიმესია. ამ ხელისუფლებას მე აღარაფერს ვთხოვ, უნდა მოსთხოვო უნარიანს და არა – უუნაროს. ამ ხელისუფლებას ქვეყნის ტერიტორიული მთლიანობის აღდგენის არანაირი მოსაზრება, არც ზეპირი და არც დაწერილი გეგმა, პერსპექტივა არ აქვს. ტერიტორიების დაბრუნება კი არა, საქართველოს გაერთიანებაა სწორი ტერმინი“, – აღნიშნა სანიკიძემ.
 
ის მიმართავს საპატრიარქოს და სთხოვს, რომ საქართველოში ჩამოსულ უკრაინის ეკლესიის (მოსკოვის საპატრიარქო) წარმომადგენლებს აჩვენონ გუშინდელი ორსანტია-ოტობაიას უმძიმესი კადრები.
 
„ჩამოვიდნენ ჩვენს პატრიარქთან და ჩივიან, უკრაინაში გვჩაგრავენო, მღვდლებს და მრევლს აგდებენ ეკლესიებიდანო. ჩვენს საპატრიარქოს უმორჩილესად ვთხოვ, აჩვენონ მათ გუშინდელი კადრები, ქართველებს ქრისტიანული რიტუალის ჩატარების უფლებას არ აძლევენ. ეს არის გაუგონარი სისასტიკე. გავუგზავნოთ რუსეთის პატრიარქს ეს კადრები და იმოქმედონ", – განაცხადა სანიკიძემ.. აღნიშნულ ინფორმაციას „დემოკრატიული მოძრაობის“ პრესსამსახური ავრცელებს.
წინა სტატიაშუშის სასახლეში ქურდული გარჩევის დროს ოლიგარქმა 100:0 დაამარცხა მამუკა ხაზარაძე და აიძულა დაეტოვებინა ბანკი, რომელსაც შეალია ცხოვრება
შემდეგი სტატიაემუქრება თუ არა ანაკლიის პორტს საფრთხე? – ანაკლიელები ამბობენ, რომ საკურორტო ზონაში დილიდან პანიკაა
ტელეკომპანია ოდიშის საინფორმაციო სამსახური