ზუგდიდის მერიის განათლების განყოფილების უფროსმა თანამდებობა საკუთარი განცხადების საფუძველზე დატოვა. არახამიამ „ოდიშინიუსთან“ განაცხადა, რომ გადაწყვეტილება თავად მიიღო და არანაირი ზეწოლა არ ქონია :“მე თვითონ მივიღე გადაწყვეტილება რომ საერთოდ წავიდე საჯარო სამსახურიდან, არანაირი ზეწოლა არ ყოფილა, დავწერე განცხადება, მეტს ვერაფერს გეტყვით“- განაცხადა ბესიკ არახამიამ. განათლების განყოფილების უფროსის თანამდებობის დატოვების შესახებ ინფორმაცია „ოდიშინიუსს“ მერიაში დაუდასტურეს. უწყების ინფორმაციით, კითხვები არ ყოფილა: „რადგან არახამიას განცხადებაში მითითებული აქვს სხვა სამსახურში გადასვლის მოტივი, აქ კითხვები არ ჩნდება“.