მას შემდეგ, რაც ანაკლიელებმა,“თი ბი სი“ ბანკიდან,მამუკა ხაზარაძის წასვლის შესახებ შეიტყვეს, ადგილობრივები პანიკამ მოიცვა. ანაკლიის მცხოვრებლები აცხადებენ, როცა ბანკიდან პორტის ინვესტიციების მთავარ მომზიდველს და მთავარ მოთამაშეს ხრიკებს უწყობენ,ბუნებრივია ყველას ეჭვი უჩნდება.
მათი თქმით, ისედაც პორტში სამუშაოები თვენახევარია შეჩერებულია. „პანიკაში,როგორ არ ვიყოთ,თუ საფრთხე ემუქრება ანაკლიის პორტს ჯობდა საერთოდ არ დაეწყოთ…ხალხში დილიდან არის პანიკა…. ეს მარტო ანაკლიელების პრობლემა არ არის,ეს მთელი საქართველოს პრობლემაა.აქ ისედაც ეკოლოგიური საფრთხის წინაშე აღმოვჩნდით,სამჯერ ქარიშხალმა გვაზარალა. ამდენი ტონა კუბური მეტრი ქვიშა,რომელიც ყრია პორტის ტერიტორიაზე,ერთი ზურგის ქარის დროს სახლებში შემოგვდის…ან აქ ზაფხულში ვინ ჩამოვა,თუ ეს ასე დატოვეს.თან რამხელა ფულია ჩადებული ამ პროექტში“,- ამბობს ეკა გვილია. “ერთადერთი იმედი ჩვენთვის ეს პორტია და მისი მშებლობა თუ შეჩერდა,დავიღუპებით,არც ფესტივალია ჩვენთვის და არც პორტი??? ეს საშინელებაა.გულს უხაროდა,ამოდენა პროექტი რომ დაიწყეს და ეს თუ დაპაუზდა… გაქცევზე ვართ ყველა…“,- აცხადებს ჟანა ცხადაია.