უნივერსიტეტის ქუჩაზე მკლავჭიდელთა დარბაზი გაქურდეს. წაღებულია ელექტროტექნიკა და ყველა ინვენტარი, რომლითაც სპორტსმენები ვარჯიშობენ. ფედერაციის პრეზიდენტი ერეკლე გურჩიანი ამბობს, რომ სავარჯიშო დარბაზიდან ნივთები სოსო ჯაჭვლიანმა წაიღო და ეს სათვალთვალო კამერებმა დააფიქსირა.
"გავიგე, რომ თურმე სოსო ჯაჭვლიანის ხელი ურევია ამაში. ასე მოსულა და წაუღია ჩემი სპორტული დარბაზიდან ინვენტარი. გაუტეხიათ კარები და წაიღო" -ამბობს ფედერაციის პრეზიდენტი და დასძენს, რომ მასსა და ჯაჭვლიანს შორის დაპირისპირება წლებია გრძელდება. გურჩიანის თქმით, მას შემდეგ, რაც ჯაჭვლიანი პოლიტიკაში მოვიდა, მან გურჩიანს არაერთი პრობლემა შეუქმნა.
„არენა 1”-ის კოპლექსში, სადაც სადაც მკლავჭიდის ფედერაცია მდებარეობს და პარაორიმპიელებიც ვარჯიშობენ, დღეს დილით მისულმა ერეკლე გურჩიანმა აღმოაჩინა, რომ კარი გატეხილი იყო.
ადგილზე იმყოფებიან სამართალდამცავები, თუმცა ჯერჯერობით უცნობია რა კვალიფიკაცია მიენიჭება საქმეს და რა მულით გაგრძელდება გამოძიება.