საქართველოს პრეზიდენტი სალომე ზურაბიშვილი გერმანიის ფედერალურ პრეზიდენტს ფრანკ-ვალტერ შტაინმაიერს შეხვდა

0
382
საქართველოს პრეზიდენტი სალომე ზურაბიშვილი, გერმანიის ფედერალურ პრეზიდენტს, ფრანკ-ვალტერ შტაინმაიერს შეხვდა.
 
 პრეზიდენტის ადმინისტრაციაში აცხადებენ,  რომ  გერმანიაში შეხვედრებზე, რომლებიც ბელვიუს სასახლეში პირისპირ და გაფართოებულ ფორმატში გაიმართა, მხარეებმა საქართველო-გერმანიის ორმხრივი ურთიერთობები და საქართველოს ევროპული მისწრაფებები განიხილეს.
 
როგორც სალომე ზურაბიშვილმა შეხვედრებზე განაცხადა, მნიშვნელოვანია, რომ საქართველოს ევროპის გულში გერმანიის სახით, ასეთი ერთგული მეგობარი ჰყავდეს.
 
მისივე თქმით, გერმანია და საფრანგეთი არიან ის ქვეყნები, რომლებიც საქართველოს ხელს შეუწყობენ იმაში, რომ ჩვენი ქვეყანა მალე გახდეს ევროპული ოჯახის სრულფასოვანი წევრი.
 
საქართველოს პრეზიდენტმა იმედი გამოთქვა, რომ საქართველო-გერმანიის ურთიერთობები, მისი ვიზიტის შემდეგ, ახალ ეტაპზე გადავა.
 
საქართველოს პრეზიდენტის დელეგაციაში შედიან საქართველოს პრეზიდენტის ადმინისტრაციის უფროსი ლაშა ჟვანია და ადმინისტრაციის უფროსის მოადგილე ნათია სულავა.
წინა სტატიათენგიზ ჯგუშია სკეიტ-პარკის ტერიტორიაზე სასტუმროს აშენებას ხვალ აქციით გააპროტესტებს
შემდეგი სტატია,,დეკანოზი გიორგი მამალაძე დღეს მოვინახულე, მედიკოსთა განცხადებები არალოგიკურია, მისი ჯანმრთელობის მდგომარეობა სტაბილურად მძიმე რჩება” – აცხადებს ადვოკატიგიორგი ფანცულაია
ტელეკომპანია ოდიშის საინფორმაციო სამსახური