"ქარბუქმა ჩვენი კარავი დალეწა, მაგრამ საქართველოს დროშას ვერაფერი დააკლო" – დავით ქაცარავა სოციალურ ქსელში არცელებს ატოცში, საოკუპაციო ხაზზე გაშლილი ბანაკის ფოტოებს.
"ზამთარი ატოცში დღეს მოსულა. ქარბუქმა ჩვენი კარავი დალეწა, მაგრამ საქართველოს დროშას ვერაფერი დააკლო. ჩვენი პატრულირება გრძელდება ფორს-მაჟორულ ვითარებაში, ჩვენ ვერაფერი დაგვაბრკოლებს! ძალა ერთობაშია!, ბრძოლას ყოველთვის აქვს აზრი!" – წერს ქაცარავა.
,,წუხანდელი ქარბუქისა და თოვის შემდეგ, დილით საპატრულოდ ასულებს ატოცში ასეთი სურათი დაგვხვდა: ჩვენი მთავარი კარავი ქარისგან მოგლეჯილი და დანგრეულია.
ერთადერთი სანუგეშო და სიმბოლური ამ ყველაფერში ისაა, რომ საქართველოს სახელმწიფო დროშა ისევ ამაყად ფრიალებს…და ეს იმის ნიშანია, რომ ჩვენც ადგილზე უნდა დავრჩეთ!
ცხადია, ჩვენი პატრულირება მაინც გაგრძელდება.ბრძოლას ყველანაირ ამინდში აქვს აზრი!
ვემსახურებით საქართველოს! – წერს ჟურნალისტი ლაშა ბერულავა, რომელიც 500 დღეზე მეტია თანამოაზრეებთან ერთად პატრულირებს ატოცში
