ემზარ კვიციანს იმედი აქვს, რომ მისი „ქართული ემიგრაციის, დემოგრაფიული და ეკონომიკური ცენტრის"ანგარიშზე ივანიშვილი მსხვილ ჩარიცხვას გააკეთებს. აღნიშნული ორგანიზაცია კვიციანმა თანამოაზრეებთან ერთად შეყვერებული წყვილების აღრიცხვისთვის და ოჯახის შექმნაში დახმარებისთვის შექმნა:

 

„ანგარიში ორი დღის წინ გაიხსნა, ჯერჯერობით, ჩარიცხვაზე არაფერი ინფორმაცია არ გვაქვს. მაგრამ იმედი არის, რომ აუცილებლად მიიღებენ მონაწილეობას ადამიანები, მხედველობაში მაქვს თვითონ ემიგრაციაში მყოფი წარმატებული ბიზნესმენები, რომლების თხოვნითაც შეიქმნა ეს ცენტრი.მეტი კონკრეტიკა იქნება, ბიძინა ივანიშვილი რომ ადგება და 100 მილიონს ჩარიცხავს, მაშინ იქნება კონკრეტიკა მეტი. პირველი ქველმოქმედი მაგია და ამიტომ, მე ვფიქრობ, რომ არ დარჩება ჩრდილში ბიძინა ივანიშვილი და აუცილებლად დაამტკიცებს მის ქველმოქმედებას და მის ქველმოქმედურ ხასიათს და აუცილებლად ჩარიცხავს გარკვეულ კაი მსუყე თანხას ცენტრში ” –  ასე უპასუხა პატრიოტთა ალიანსის დეპუტატმა  ემზარ კვიციანმა  "მაესტროს" ეთერში გადაცემის წამყვანის  კითხვას,  იქნება თუ არა კონკრეტული განსაზღვრული თანხა, რამდენით დაეხმარება "ქართული ემიგრაციის, დემოგრაფიული და ეკონომიკური ცენტრი" ოჯახის შექმნის მსურველ წყვილებს.

 

,,დიდი იმედი მაქვს, რომ  ყველა ის ადამიანი, ვისაც ქართველების და საქართველოს წინსვლა და გაძლიერება უნდა, ყველა მიიღებს მონაწილეობას, მათ შორის, დეპუტატები.“- განაცხადა ემზარ კვიციანმა.