გალის რაონ სოფელ ოტობაიაში გარდაცვლილი 52 წლის გოჩა ტუფურია სამშაბათს ისე დაკრძალეს,რომ ენგურსგამოღმა ნათესავებმა ვერ დაიტირეს. “მიცვალებულს ადმინისტრაციული საზღვრიდან 40 მეტრში ვტიროდით. ჩვენს შორის იყო ჩატეხილი ხიდი,რომელიც ნათესავებს გვყოფდა”,- ყვება გარდაცვლილის ნათესავი დოდო ქვარაია. “20- 25 წუთი ესვენა ცხედარი ხიდზე. ჩვენ აქედან ვტიროდით,ისინი იქედან.ვერავინ ვერ წავედით გასვენებაზე.მიცვალებულისთვის მოტანილი ყვავილები მდინარე ენგურს გავატანეთ”,- აცხადებს მიცვალებულის სიდედრი ნანა კემულარია. ადგილობრივების თქმით, ორსანტია-ოტობაიის ე.წ. ადმინისტრაციული საზღვარი ერთ წელზე მეტია ჩაკეტილია.