„სამართალდამცველთა რეფორმირების ცენტრის” ხელმძღვანელი ზვიად კუპრავა დღეს ვაკე-საბურთალოს პოლიციის განყოფილებაშია დაბარებული. კუპრავას ადვოკატ ირაკლი ზაქარეიშვილის საჩივრის საფუძველზე ელოდებიან.
ადვოკატი ზვიად კუპრავას ფიზიკურ შეურაცხყოფაში ადანაშაულებს. თავად კუპრავა ბრალდებას აბსურდულს უწოდებს. მისი თქმით, ზაქარეიშვილი სახელმწიფო უსაფრთხოების სამსახურის აგენტია:
„მას შემდეგ, რაც ზაქარეიშვილი გახდა სუს-ის დეკლარილებული აგენტი, მე ამ ადამიანთან კომუნიკაცია არ მაქვს, ზედმეტია ლაპარაკი ყოველგვარ ცემაზე ზაქარეიშვილის.
არსად გაქცევას და მიმალვას არ ვაპირებ, ვარ სამუშაო რეჟიმში, თუ მათ გადაწყვეტილი აქვთ ჩემი დაკავება, აქ ვარ“ – ამბობს კუპრავა.
გამოძიება ძალადობის მუხლით არის დაწყებული.