მთავარისიახლეებიეკონომიკამამუკა ხაზარაძე: ანაკლიის პორტს თავისი კანონმდებლობა ექნება, რაც ნებისმიერი ქვეყნიდან ჩამოსულ ინვესტორს...

მამუკა ხაზარაძე: ანაკლიის პორტს თავისი კანონმდებლობა ექნება, რაც ნებისმიერი ქვეყნიდან ჩამოსულ ინვესტორს მისცემს საშუალებას, აწარმოოს ბიზნესი გასაგებ, სამართლებრივ ჩარჩოში

Published on

ანაკლიის პორტს თავისი კანონმდებლობა ექნება, რომლის საშუალებითაც ინვესტორები ნებისმიერ სამართლებრივ დავას ადგილზე მოაგვარებენ. ამის შესახებ ბიზნესმენმა, „თიბისი ბანკის“ ერთ-ერთმა დამფუძნებელმა მამუკა ხაზარაძემ კავკასიის უნივერსიტეტის სტუდენტებთან შეხვედრისას განაცხადა.
 
მისი თქმით, თავისუფალი ვაჭრობის ზონაში საჭიროა ისეთი კანონმდებლობის შეტანა, რომელიც თანამედროვე ქვეყნიდან ჩამოსულ ნებისმიერ ინვესტორს მისცემს საშუალებას, რომ ბიზნესი გასაგებ, სამართლებრივ ჩარჩოში აწარმოოს. ქართულ კანონდებლობას კი ამ მხრივ, ბევრი ხარვეზი აქვს.
 
გარდა ამისა, მამუკა ხაზარაძემ ანაკლიის პორტის მნიშვნელობაზე და იმ უპირატესობებზე გაამახვილა ყურადღება, რომელიც სხვა ქვეყნებთან მიმართებით აქვს.
 
„საქართველოს და ამ შემთხვევაში ანაკლიას აქვს აბსოლუტურად უნიკალური პოზიციონირება, რომ ჰქოდეს ღრმაწყლოვანი პორტი, მიიღოს ნებისმიერი ზომის გემი, ამასთან, მოხდეს ამ პროდუქციის გადამუშავება და შემდეგ, როგორც ქართული პროდუქტის ისე გადაგზავნა, ჩინეთის, ევროპის და ა.შ. მიმართულებით. იმედია, აშშ-სთან შეთანხმებაც მალე იქნება. ეს არის ჩვენი დიდი კონკურენტული უპირატესობა, სხვა ქვეყნებთან შედარებით. იმიტომ, რომ თუ ევროკავშირის არა წევრ ქვეყნებს გადავხედავთ, თუნდაც, დსთ-ს და ცენტრალური აზიის ქვეყნებს, მათთვის ეს არის იგივე ჩინეთი, რადგან აქ დამზადებული პროდუქტი ევროპის ბაზარზე შევა, დაბეგვრის გარეშე. სწორედ ეს არის მთავარი გასაღები.
 
თუმცა, ეს არ არის საკმარისი. იქ საჭიროა ისეთი კანონმდებლობის შეტანა, რომელიც თანამედროვე ნებისმიერი ქვეყნიდან ჩამოსულ ინვესტორს მისცემს საშუალებას, რომ აწარმოოს ბიზნესი გასაგებ, სამართლებრივ ჩარჩოში. ეს არის ყველაზე მთავარი. ამისთვის ჩვენ უკვე მეორე წელია ვმუშაობთ მსოფლიოში საკმაოდ ცნობილ იურისტებთან. სულ რაღაც ერთი თვის წინ გავაფორმეთ ხელშეკრულება დიდი ბრიტანეთის და ირლანდიის იურისტთა ასოციაციის პრეზიდენტთან. ამ ასოციაციაში გაერთიანებულია 180 000 იურისტი და სწორედ მათთან ერთად ვამუშავებთ კანონდებლობას.
 
ჩვენ გვინდა, რომ ამ ზონაში იყოს ლონდონის არბიტრაჟის ანალოგი. პირველ ეტაპზე არ გამოვრიცხავთ, რომ წორედ ამ 180 000 იურისტიდან, წამყვანი იურისტები ჩამოვიყვანოთ მოსამართლეებად, რათა ვთქვათ, რომ აქ გაკეთებული ბიზნესი იგივეა, რაც ჰონგ-კონგში, სინგაპურში, ლონდონში ან ნებისმიერ სხვა განვითარებულ ქალაქში გაკეთებული ბიზნესი. იმიტომ, რომ შენ ხარ ყველაზე დახვეწილ, სამართლებრივ ჩარჩოში და ნებისმიერი დავების გადაწყვეტას შეძლებ ადგილზე, ყოველგვარ ქართულ კანონდებლობაში ჩახედვის გარეშე, რომელიც ძალიან დასახვეწია და ბევრი პრობლემა აქვს“,-განაცხადა მამუკა ხაზარაძემ.

სიახლეები

ტუსკი- რუსული დრონების მიერ პოლონეთის საჰაერო სივრცის დარღვევა მასშტაბური პროვოკაციაა

პოლონეთის პრემიერმინისტრის, დონალდ ტუსკის თქმით, რუსული დრონების მიერ პოლონეთის საჰაერო სივრცის დარღვევა მასშტაბური პროვოკაციაა. "ეს...

პოლონეთი აცხადებს,რომ ქვეყნის საჰაერო სივრცე რუსული დრონების უპრეცედენტო რაოდენობამ დაარღვია

პოლონეთის შეიარაღებული ძალების ოპერატიული სარდლობა აცხადებს, რომ ქვეყნის საჰაერო სივრცე რუსული დრონების უპრეცედენტო რაოდენობამ...

შსს: ამოღებულია 1 კგ-მდე „მეთადონი“ – დაკავებულია 2 პირი

შინაგან საქმეთა სამინისტროს მცხეთა-მთიანეთს პოლიციის დეპარტამენტის თანამშრომლებმა, ჩატარებული ოპერატიული ღონისძიებისა და საგამოძიებო მოქმედებების შედეგად,...

გიორგი კინოიანის მეგობრები და სამოქალაქო აქტივისტები სომხეთის საელჩოსთან იკრიბებიან

სამოქალაქო აქტივისტები და ერევანში დაკავებული, უკრაინაში მებრძოლი ქართველი მოხალისის გიორგი კინოიანის ახლობლები დღეს, 10...