მსჯავრდებული გიორგი მამალაძის ადვოკატი მიხეილ რამიშვილი აცხადებს, რომ დეკანოზის ჯანმრთელობის მდომარეობაზე პასუხისმგებლები სასულიერო პირები არიან.
„მაგის მდგომარეობა საპატრიარქოში ეგრეთ წოდებული სასულიერო პირების კისერზე იყოს, მიმიფურთხებია მაგათი ღირსებისთვის და ადამიანობისთვის, რა დღეში ჩააგდეს ადამიანი. ერთი სულიერ სიმტკიცე სჭირდებოდა ადამიანს, რომ ძლიერად ყოფილიყო და ისიც არ არგუნეს, აფერუმ მაგათ კაცობას, მაგათ ღირსებას და ამბიონიდან ქადაგებას“, – განაცხადა ადვოკატმა.
ამასთან , იგი თვლის, რომ მამა გიორგის კლინიკიდან გაწერა ჯერჯერობით გამორიცხულია, რადგან სტაბილური მდგომარეობა არ აქვს.
მისი თქმით, დეკანოზი გიორგი მამალაძე ინტენსიურ განყოფილებაში იმყოფება, სადაც მას გამოკვლევები უტარდება. ,,მამა გიორგის ინსულტის ნიშნები აქვს და დგინდება, თუ რამ გამოიწვია მარჯვენა ხელ-ფეხის შეზღუდვა.,, პირადად შევხვდი მამა გიორგის. ინსულტის ნიშნები არის, მაგრამ კერას ვერ ნახულობენ. მაგის ძიებაში არიან," – განაცხადა რამიშვილმა.
მისივე თქმით, მამა გიორგის ჯანმრთელობის მდგომარეობა გაართულა ბოლო დღეებში განვითარებულმა მოვლენებმაც, რაც მისი ძმის, თორნიკე მამალაძის საპატრიარქოსთან აქციებს უკავშირდება. – დასძინა მან