,,ვახტანგ ყოლბაიას მმართველობის პერიოდში პრაქტიკულად არც ერთი პოზიტიური ნაბიჯი დევნილებისთვის, არც ერთ სფეროში .ამას ვამბობ იმ შედეგებიდან გამომდინარე, რასაც ვუყურებ ბოლო 6 წლის განმავლობაში'' – აცხადებს მედიასთან საუბარში აფხაზეთის ჯანდაცვის ყოფილი მინისტრი დალილა ხორავა.
,,ვერ ვხედავ ვერაფერს ხელჩასაჭიდს. არაფერი გაკეთებულა, გამჭვირვალობა საქმიანობის არ ყოფილა, ძალიან ბევრი ცუდი შესამოწმებელი ხმებიც გავრცელდა, დევნილებში უარყოფითი აზრია ჩამოყალიბებული ამ ადამიანის მმართველობასთან დაკავშირებით“, ამდვილად არ ვიცი იგეგმება თუ არა აფხაზეთის მთავრობაში ცვლილებები და ვახტან ყოლბაიას მოხსნა, მაგრამ თუ ეს ასეა, ეს არ იქნება ცუდი, იქნება დაგვიანებული, მაგრამ სამართლიანი გადაწყვეტილება. რაც შეეხება ლუკა კურტანიძის შესაძლებლობებს აფხაზეთის მთავრობის ხელმძღვანელის პოსტზე, მე პირადად არ ვიცნობ, მაგრამ როგორც ვიცი მსოფლიო ჩემპიონია, სპორტსმენია. თუ იგეგმება მისი დანიშვნა, ალბათ, აწონილ-დაწონილია ყველაფერი. რატომაც არა?! ადამიანმა, რომელმაც დაიცვა ჩვენი ღირსება მსოფლიო არენაზე, როგორმე მიხედავს აფხაზეთიდან დევნილ ხალხსაც. მე ამასი დარწმუნებული ვარ“,- განაცხადა დალილა ხორავამ.
შეგახსენებთ, დღეს გავრცელდა ინფორმაცია აფხაზეთის ავტონომიური რესპუბლიკის მთავრობაში მოკლე ხანში საკადრო ცვლილებები იგეგმება – მთავრობის ხელმძღვანელის პოსტზე ვახტან ყოლბაია შესაძლოა, ლუკა კურტანიძემ ჩაანაცვლოს.