“თიბისი ბანკი” ეროვნული ბანკის მოთხოვნას სასამართლოში გაასაჩივრებს

0
416
ეროვნული ბანკის მოთხოვნას, რომ „თიბისი ბანკის“ დამფუძნებლებს, მამუკა ხაზარაძეს და ბადრი ჯაფარიძეს ხელმოწერის უფლება შეუჩერდეთ და სამეთვალყურეო საბჭოდან გაიწვიონ, „თიბისი ბანკი“ განცხადებით გამოეხმაურა. „თიბისი ბანკის“ განმარტებით, ის ყველა სამართლებრივ ბერკეტს გამოიყენებს, რომ დაიცვას საკუთარი დ აქციონერების ინტერესები.
 
„თიბისი ბანკი“ გეგმავს, რომ ეროვნული ბანკის მოთხოვნა სასამართლოში გაასაჩივროს. სამართლებრივ პროცედურებზე განმარტებები გააკეთა იურისტმა, ზვიად კორძაძემ.
 
„ჩვენ მიგვაჩნია, რომ მოთხოვნა უსაფუძვლოა, ისევე როგორც უსაფუძვლო იყო წინა სანქციები, რაც გამოყენებული იქნა. შესაბამისად, ეს არგუმენტები წარდგენილი იქნება სასამართლოში და ჩვენ მოვითხოვთ ამის გაუქმებას. გასაჩივრებული გვაქვს ამ ტრანზაქციის შესწავლის შემდეგ ეროვნული ბანკის მიერ გამოტანილი სხვა გადაწყვეტილებები. სამართლებრივი კუთხით ვაგრძელებთ ამ საქმეს და ეს გადაწყვეტილებაც და ეს წერილებიც გასაჩივრებული იქნება სასამართლოში,“- განაცხადა საქართველოს იურიდიული ფირმების ასოციაციის თავმჯდომარემ, ზვიად კორძაძემ.
წინა სტატიაილიაუნის სტუდენტები რექტორის გადადგომას საღამოს 22:00 საათამდე ითხოვენ, წინააღმდეგ შემთხვევაში შიმშილობას დაიწყებენ
შემდეგი სტატიაარასამთავრობოები TBC ბანკთან დაკავშირებით, ეროვნული ბანკის მოთხოვნას ეხმაურებიან
ტელეკომპანია ოდიშის საინფორმაციო სამსახური