რუსულ გაზი აზერბაიჯანულზე მინიმუმ 20% -ით ძვირია, მაშ რატომ უნდა ვიყიდოთ იგი?

0
409
,,როცა გვყავს სტრატეგიული პარტნიორი აზერბაიჯანი რომელსაც არასოდეს ყუველაზე კრიტიკულ დროსაც კი არ უთქვამს უარი გაზის მიწოდებაზე. აქეთა მხარეს კი არის რუსეთი რომელმაც მილსადენები ააფეთქა და საქართველო გაზის გარეშე დატოვა ცივ ზამთარში. თან რუსულ გაზზე მინიმუმ 20% იაფია აზერბაიჯანული გაზი.
 
რუსეთის მოქალაქე ქობულია და გახარია, ასევე ოლიგარქი ივანიშვილი ათეულ მილიონ ლარს გააკეთებენ ძვირი გაზის მოსახლეობისათვის მიყიდვით''.–ასეეხმაურება საართველოს მესამე პრეზიდენტი მიხეილ სააკაშვილი  გიორგი ქობულიას  განცხადებას იმის შესახებ, რომ  მთავრობა გეგმავს გაზი რუსეთისგან იყიდოს. 
 
 
როგორც  დარგობრივი ეკონომიკისა და ეკონომიკური პოლიტიკის კომიტეტის სხდომაზე ეკონომიკის მინისტრმა განაცხადა,  იმისათვის რომ ქვეყანაში გაზის მიმწოდებელ კომპანიებს შორის კონკურენცია გაჩნდეს, რუსეთისგან გაზის შესყიდვაზე მოლაპარაკებები მიმდინარეობს.
 
„გაზს რუსეთისგან ვიყიდით. ეს არის მნიშვნელოვანი ინიციატივა, რომ შევქმნათ საშუალება, ერთზე მეტი მომწოდებელი იყოს გაზის. დიახ, ჩვენ რუსეთთან ვაწარმოებთ მოლაპარაკებას და ალბათ, რუსეთისგან შევისყიდით გაზს, იმის ფარგლებში, რაც მოგვცემს საშუალებას, რომ ენერგოუსაფრთხოება და ენერგო დამოუკიდებლობა შევინარჩუნოთ. ჩვენ პირობების გაუმჯობესებაზე მიგვყავს მოლაპარაკებები . იმიტომ რომ შევქმნათ დივერსიფიკაცია და იყოს კონკურენტული ფასები გაზზე. გვინდა, რომ შევქმნათ გაზის დივერსიფიკაცია. ჩვენ რუსეთისგან ყოველთვის ვყიდულობდით გაზს. როცა მოლაპარაკება შედგება, ფასს გეტყვით,“-განაცხადა ქობულიამ.
წინა სტატიავინ მოითბო ხელი შეშაზე, რომელსაც სამეგრელოს ერთერთი საბავშვო ბაღის ბავშვები უნდა გაეთბო?
შემდეგი სტატიაინსულინის ინექციას აბი ჩაანაცვლებს
ტელეკომპანია ოდიშის საინფორმაციო სამსახური