პრეზიდენტის ადმინისტრაციიდან 61 თანამშრომელი გაათავისუფლეს. როგორც სალომე ზურაბიშვილის პრესსპიკერი ხატია მოისწრაფიშვილი აცხადებს, მათ საკვალიფიკაციო მოთხოვნები ვერ დააკმაყოფილეს.
„61 საჯარო მოხელე გადავიდა მობილობის სქემაში, რაც იმას ნიშნავს, რომ მათ შესახებ სახელობითი ინფორმაცია, დოკუმენტაცია, გადაეგზავნება საჯარო ბიუროში და უკვე ერთი თვის განმავლობაში საჯარო ბიურო ეცდება შესთავაზოს ბუნებრივია საჯარო სივრცეში კვლავაც, მათთვის სასურველი და შესაბამისი პოზიციები. ყველა ვინც არ მიიღებს ან ვერ დააკმაყოფილებს ახალ შეთავაზებებს, მიიღებენ კომპენსაციას" – აღნიშნა პრეზიდენტის პრესსპიკერმა.