„გარდა ფინანსური სიხარბისა, რუსულ კაპიტალზე აღმოცენებული ბიძინა ივანიშვილის სურვილია, გაანადგუროს დამოუკიდებლად განვითარებადი ნებისმიერი ძალა თუ რესურსი“ – ასე ეხმაურება გაერთიანებული ოპოზიციის „ძალა ერთობაშია“ ერთ-ერთი ლიდერი, ედპ-ის თავმჯდომარე ბაჩუკი ქარდავა მამუკა ხაზარაძისა და ბადრი ჯაფარიძის თიბისი ჯგუფის სამეთვალყურეო საბჭოდან გადაყენების შესახებ ეროვნული ბანკის გადაწყვეტილებას.
„არასოდეს ვყოფილვართ ბარიკადის ერთ მხარეს ფიზიკურად, და ეს, ალბათ უფრო, პოლიტიკური კონიუქტურის გამო, მაგრამ აშკარაა, რომ თიბისი ჯგუფი და მამუკა ხაზარაძე ძალიან შორსაა ჩრდილოეთისგან.
რა სუბიექტური დამოკიდებულებაც არ უნდა ჰქონდეს ვინმეს ამ ბიზნეს-ჯგუფის მიმართ, ცალსახაა, რომ ის სრულად დისტანცირებულია ჩრდილოეთისგან და ინტეგრირებულია დასავლეთთან. გარდა ფინანსური სიხარბისა, რუსულ კაპიტალზე აღმოცენებული ბიძინა ივანიშვილის პირადი სურვილია, გასრისოს და გაანადგუროს ყველა მის სიახლივეს და ირგვლივ დამოუკიდებლად განვითარებადი ნებისმიერი ძალა თუ რესურსი, რომელიც ქვეყანაში არსებობს. ყველამ უნდა გაიგოს, ქვეყნის ამ სახადთან კომპრომისი უდრის მარცხს! მხოლოდ დაპირისპირება და შებრძოლებაა გამოსავალი!“ – წერს ედპ-ის ლიდერი.