„ბოლო ორი წელია, მთავრობა საერთოდ არ არის დაინტერესებული პირდაპირი უცხოური ინვესტიციების ჩადებით ქვეყანაში,“- ეს განცხადება, „კურიერთან“ საქართველოს საერთაშორისო სავაჭრო პალატის თავმჯდომარემ გააკეთა. ფადი ასლის თქმით, ბიძინა ივანიშვილის ინტერესია, რომ მხოლოდ ის იყოს ინვესტორი ქვეყანაში.
მისი შეფასებით, „თიბისი ბანკის“ საქმე ინვესტორებისთვის საშიში გზავნილია. ფადი ასლი ამბობს, რომ ის, როგორც საერთაშორისო სავაჭრო პალატის თავმჯდომარე, მზად არის, ამ საკითხზე საერთაშორისო პარტნიორებს სრული ინფორმაცია მიაწოდოს. მისი განცხადებით, ქვეყანას მაფიოზური სტილის მთავრობა მართავს.
„ბიძინა ივანიშვილს არ აღელვებს საერთაშორისო საინვესტიციო ჯგუფი. ბოლო ორი წელია, მთავრობა საერთოდ არ არის დაინტერესებული პირდაპირი უცხოური ინვესტიციების ჩადებით ქვეყანაში. ისიც შევამჩნიე, რომ ივანიშვილს სურს, მხოლოდ თვითონ იყოს ინვესტორი ქვეყანაში. ამიტომ ხელოვნურად აჩერებენ ინვესტორებს. ჩვენ ინფორმაციას ვაწვდით ყველა ინვესტორს, რადგან მორალურად თავს ვალდებულად ვთვლით, ეს გავაკეთოთ. ა მგონია, რომ ამ კუთხით კვლავ მიმზიდველი იყოს, განსაკუთრებით იმ დროს, როდესაც ქვეყანას მაფიოზური სტილის ქვეყანა მართავს,“ – განაცხადა ფადი ასლიმ.
ეროვნულმა ბანკმა მოითხოვა, რომ "თიბისი ბანკის“ დამფუძნებლებს, მამუკა ხაზარაძეს და ბადრი ჯაფარიძეს ხელმოწერის უფლება შეუჩერდეთ და სამეთვალყურეო საბჭოდან გაიწვიონ.