გადავწყვიტეთ სამართლებრივ დონეზე საერთოდ ავკრძალოთ K2 კოეფიციენტით მანიპულაციები” – კალაძე დღეს, 11:16

0
389
„გადავწყვიტეთ სამართლებრივ დონეზე საერთოდ ავკრძალოთ K2 კოეფიციენტით მანიპულაციები" – ეს განცხადება, დედაქალაქის მერმა, თბილისის საკრებულოში გამართულ საგანგებო ბრიფინგზე გააკეთა.  კახა კალაძის თქმით, ეს  გადაწყვეტილება დასაწყისია და ეტაპობრივად მოხდება საკანონმდებლო ჩარჩოს მოწესრიგება, რომელიც დედაქალაქის სწორ განვითარებას და განაშენიანებას უზრუნველყოფს.
 
„აღიკვეთება კოეფიციენტების მატება და K2 კოეფიციენტების გაყიდვა. ეს პრაქტიკა, რომელიც 2005 წლიდან იქნა დამკვიდრებული, თბილისის მერიისა და საკრებულოს გადაწყვეტილებით, ერთხელ და სამუდამოდ დასრულდება. რეგულაცია გავრცელდება ყველა ნებართვასა და გრგ-ზე, რომელიც რეგულაციის ამოქმედებიდან იქნება მიღებული წარმოებაში. ჩვენი დღის წესრიგია, რომ დედაქალაქს შევუქმნათ სწორი განვითარების პირობები. ეს მოხდება გეგმაზომიერად, თბილისის  მიწათმოქმედების გენერალური პარამეტრების შესაბამისად. სამწუხაროა, მაგრამ ფაქტია, რომ წლების მანძილზე, კოეფიციენტების გადამეტების მავნე პრაქტიკამ ხელი შეუწყო ქალაქის დამახინჯებას, ქაოტური განაშენიანებას,“-განაცხადა კალაძემ.
 
თბილისის მერის განცხადებით, სამშენებლო სექტორის წარმომადგენლებმა, ეს ინიციატივა ძალიან სწორად გააანალიზეს.
 
"მიუხედავად იმისა, რომ სამშენებლო სექტორისთვის ერთი შეხედვით შესაძლოა მოგვეჩვენოს, რომ ეს გადაწყვეტილება მომგებიანი არ არის, სინამდვილეში, არსებული ურბანული ქაოსი საერთო ჯამში მათ ბიზნესსაც აზარალებდა,"-აცხადებს თბილისის მერი. 
 
წინა სტატია“ვაყენებ შეურაცხყოფას გვარამიას, გამოვიდეს სადაც უნდა და გავუნგრევ თავ-ყბას” – ბედუკაძე
შემდეგი სტატიაეროვნული ბანკის მოთხოვნა – ოპოზიციაში თვლიან, რომ მამუკა ხაზარაძეზე ღია ტერორი დაიწყო
ტელეკომპანია ოდიშის საინფორმაციო სამსახური