დიდი ბრიტანეთის პარლამენტმა პრემიერის მიერ წარდგენილ "ბრექსიტის" სტრატეგიას მხარი არ დაუჭირა. – ტერეზა მეიმ მორიგი დამარცხება განიცადა.
ქვეყნის ევროკავშირიდან გასვლამდე რამდენიმე კვირით ადრე, თემთა პალატის დეპუტატებმა ტერეზა მეისთვის ბრიუსელთან მოლაპარაკებების გასაგრძელებლად საჭირო მანდატის მინიჭებაზე უარი თქვეს. მანამდე, პრემიერ-მინისტრი ევროკავშირის ლიდერებს დაჰპირდა, რომ, თუ ბრიუსელი გარკვეულ დათმობებზე წავიდოდა, პარლამენტი ბრექსიტის შეთანხმებას მხარს დაუჭერდა.
პრემიერ-მინისტრი სხდომას არ დასწრებია. "ბრექსიტთან" დაკავშირებით კი, მორიგი კენჭისყრა ბრიტანეთის პარლამენტში 27-დ თებერვალს გაიმართება.