ვეტერანთა საბჭო დაკავებული ზაალ ლატარიას უპირობო გათავისუფლებას ითხოვს. ამის შესახებ „ოდიშინიუსს“ თავად ვეტერანებმა დაუდასტურეს. „მეხუთე მეომარია ეს უკვე ვინც დაიჭირეს ამ საქმეზე, რაში გვჭირდებოდა ჩვენ ბესელიას ვიდეო, რაში გვაინტერესებს, ჩვენ გვიყვარს ჩვენი სამშობლო და ვართ მეომრები…დაიჭერენ და აწერენ ფულს, გირაოს სახით, სპეციალურად აკეთებენ ამას, ეს არის პოლიტიკური დევნა, მეტი არაფერი“- განაცხადა რომან ახალაიამ. მისივე თქმით, თუ მათ თანამებრძოლს არ გამოუშვებენ, ისინი თბილისში ჩასვლას და საპროტესტო აქციების გამართვას გეგმავენ. „ჩვენ არ გავჩერდებით, პროტესტის უმწვავეს ფორმას მივმართავთ..ესაა უკვე ფსბ ეს დავალების შესრულება“- აცხადებს ახალაია. ვეტერანები მოუწოდებენ ყველა საერთაშორისო ორგანიზაციას, დაინტერესდნენ ამ საქმით. შეგახსენებთ, რომ ზაალ ლატარია, რომელიც არის მეომარი და სპეცნაზელი, ეკა ბესელიას პირადი ცხოვრების ვიდეო კადრების საქმეზე გუშინ დააკავეს.