ნარკოტიკების მოხმარების გამო ჩხოროწყუს ინსპექტორ-გამომძიებლები სამსახურიდან გაათავისუფლეს

0
397
ნარკოტიკების მოხმარებისთვის გენერალური ინსპექციის დასკვნის საფუძველზე შსს-მ ორი თანამშრომელი გაათავისუფლა – ამის შესახებ განცხადებას გახარიას უწყება ავრცელებს. 
"საქართველოს კანონმდებლობით შინაგან საქმეთა სამინისტროს თანამშრომლებს ნარკოტიკული საშუალების მოხმარება ეკრძალებათ. შინაგან საქმეთა მინისტრის შესაბამისი ბრძანების საფუძველზე, ნარკოტიკული საშუალების მოხმარების შემთხვევაში, სამინისტროს თანამშრომლის მიმართ გამოიყენება ყველაზე მკაცრი დისციპლინარული სახდელი – სამსახურიდან დათხოვნა.
შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის ჩხოროწყუს რაიონული სამმართველოს ინსპექტორ-გამომძიებელს – ნ.დ.-ს და უბნის ინსპექტორ-გამომძიებელს – დ.გ.-ს, შემოწმების შედეგად ნარკოტიკული საშუალების მოხმარების ფაქტი დაუდგინდათ.
გენერალური ინსპექციის დასკვნის საფუძველზე, ნ.დ. და დ.გ. დათხოვნილი არიან შინაგან საქმეთა სამინისტროდან"- აცხადებენ შს სამინისტროში.
 
წინა სტატიასახელმწიფო მდევნის… მე ვარ მეომარი, ვარ პატრიოტი, ბესელია და სხვა არ მაინტერესებს – ზაალ ლატარიას პირველი კომენტარი
შემდეგი სტატიასადამსჯელო ღონისძიება ოპოზიციის მხარდამჭერის მიმართ – მურთაზ ზოდელავა ზაალ ლატარიას დაკავებაზე
ტელეკომპანია ოდიშის საინფორმაციო სამსახური