„მანამდე, ივანიშვილის დავალებით, ეროვნული ბანკი მამუკა ხაზარაძეს აიძულებდა ბანკში წილის დათმობას… შემდეგი სამიზნე ანაკლიაა“ – რატომ დუმს ხაზარაძე?

0
358
ეს არის პოლიტიკური დევნა და არყევს ქვეყნის ფინანსურ სტაბილურობას – ასე ეხმაურება „ნაციონალური მოძრაობის“ წევრი, დეპუტატი რომან გოცირიძე მამუკა ხაზარაძისა და ბადრი ჯაფარიძის თიბისი ჯგუფის სამეთვალყურეო საბჭოდან გადაყენების შესახებ ეროვნული ბანკის გადაწყვეტილებას.
„ეროვნული ბანკის მოთხოვნა თერთმეტი წლის წინანდელი დარღვევისათვის თი-ბი-სი ბანკის მმართველობიდან მამუკა ხაზარაძის და ბადრი ჯაფარიძის ჩამოცილების შესახებ, არის პოლიტიკური დევნა. მანამდე, ივანიშვილის დავალებით ეროვნული ბანკი აიძულებდა მათ ბანკში წილის დათმობას და პრობლემის ”მშვიდობიანად” მოგვარებას.
 
ივანიშვილმა გადაკვეთა ყველა წითელი ხაზი.
 
საქართველოს ეროვნული ბანკი არის მთავრობის ფილიალი, ხოლო მისი პრეზიდენტი, შსს-ს ლაქია.
 
მამუკა ხაზარაძე სანამ კულუარული თამაშების იმედად იქნება და არ იტყვის საჯაროდ სიმართლეს, წავა არა მარტო ბანკიდან, არამედ წავა ციხეში, რადგან ასე უნდა ოლიგარქს.
 
ეს პროცესი ამით არ დამთავრდება. შემდეგი სამიზნე არის ანაკლია.
 
რაც ხდება, ეს არ არის მხოლოდ ტი-ბი-სი ბანკის და მისი აქციონერების პრობლემა. ეს არყევს ქვეყნის ფინანსურ სტაბილურობას.“ – წერს რომან გოცირიძე
წინა სტატიასუიციდის შემთხვევა თბილისში – გარდაცვლილი 20 წლის ახალგაზრდა ჯვარიდანაა
შემდეგი სტატიაილიაუნის სტუდენტები რექტორის გადადგომას საღამოს 22:00 საათამდე ითხოვენ, წინააღმდეგ შემთხვევაში შიმშილობას დაიწყებენ
ტელეკომპანია ოდიშის საინფორმაციო სამსახური