საქართველოსა და უკრაინას შორის მიმოსვლა პირველი მარტიდან ID ბარათების მეშვეობით იქნება შესაძლებელი

0
378
 
 საქართველოსა და უკრაინას შორის მიმოსვლა პირველი მარტიდან პირადობის დამადასტურებელი ID ბარათების მეშვეობით იქნება შესაძლებელი. ამის შესახებ შეთანხმებას ორი ქვეყნის პრემიერმინისტრებმა, მამუკა ბახტაძემ და ვლადიმირ გროისმანმა, კიშინოვში მოაწერეს ხელი.
 
"დარწმუნებული ვარ, რომ ID ბარათებით გამარტივებული მიმოსვლა ხელს შეუწყობს ჩვენს ერებს შორის კავშირების განმტკიცებას, მათ შორის ბიზნესკონტაქტების გაღრმავებას და ტურისტული ნაკადის ზრდას", – თქვა მთავრობის სხდომის დაწყებამდე გამართულ ბრიფინგზე მამუკა ბახტაძემ .
 
საქართველოს პრემიერმინისტრის შეფასებით, აღნიშნული საკითხი კიდევ ერთხელ უსვამს ხაზს იმ მნიშვნელოვან მეგობრულ და სტრატეგიულ ურთიერთობას, რაც ჩამოყალიბდა საქართველოსა და უკრაინას შორის.
წინა სტატიაბათუმში სახლი გაძარცვეს და ქალი წებოვანი ლენტით სკამზე დააკრეს
შემდეგი სტატიათენგიზ ჯგუშია: ” არჩევნების თარიღის დანიშვნას სპეციალურად აჭიანურებენ”
ტელეკომპანია ოდიშის საინფორმაციო სამსახური