ინდენტიფიცირებულია ლიეჟის შეხვედრის ჩაშლის მცდელობის კიდევ ერთი  ერთი ორგანიზატორი, იგი  ყოფილი მთავარი პროკურორის, ოთარ ფარცხალაძესთან დახლოებული პირი ზურა გასიტაშვილია. – ინფორმაციას ამის შესახებ ”PRESA.GE” აქვეყნებს

 

ირკვევა, რომ ზურა გასიტაშვილის მეუღლე, ია ფარცხალაძე ოთარ ფარცხალაძის ახლო ნათესავია.  სწორედ ნათესაური კავშირი გახდა გასიტაშვილის პოლიტიკური გააქტიურების საფუძველი. ის ჯერ კიდევ ლიეჟის შეხვედრამდე პოლონეთიდან ცდილობდა ქართული ოცნების პარტიული დავალებების შესრულებას.

 

”PRESA.GE”-ს ინფორმაციით კი პროვოკაციის ორგანიზატორების ნაწილის დაფინანსება, ანუ მათი ლიეჟში ჩასვლა და დავალებების შესრულება, ქართულ ოცნებას ჯამში 250 ათასი დოლარი დაუჯდა.

 

"ჩვენ მოგვაწოდეს ინფორმაცია, რომლის მიხედვითაც ოთარ ფარცხალაძის სიძე აქტიურობდა, ის აგროვებდა ე.წ. ემიგრანტებს იმისთვის, რომ შემდეგ მოეწყოთ პროვოკაციები და ეცადათ ლიეჟის შეხვედრის ჩაშლა. ეს პიროვნება ჯერ კიდევ პოლონეთიდან მართავდა პროცესებს იქამდე ვიდრე დაიწყებოდა ლიეჟის შეხვედრა, ერთ ე.წ. ემიგრანტს აძლევდნენ 150 ევრომდე,"-განაცხადა ”PRESA.GE”-ს დირექტორმა, გიორგი კაპანაძემ.