პრემიერ-მინისტრი მამუკა ბახტაძე „ფეიკ ნიუსს“ უწოდებს ინფორმაციას, რომ ბელგიის ქალაქ ლიეჟში, მიხეილ სააკაშვილისა და ემიგრანტების შეხვედრაზე მომხდარ დაპირისპირებაში მონაწილე პირები სუს-ის წარმომადგენლები არიან.
„ეს დეზინფორმაცია და ე.წ. ფეიკ ნიუსია თავიდან ბოლომდე. რეალობასთან ამას კავშირი არ აქვს. სერიოზული კომენტარიც კი მიჭირს ამ საკითხზე,“ – აღნიშნა ბახტაძემ.
შეგახსენებთ, რომ მიხეილ სააკაშვილმა გასულ კვირას, ბელგიაში ემიგრანტებთან შეხვედრა გამართა, სადაც დაპირისპირება მოხდა მის მომხრეებსა და მოწინააღმდეგეებს შორის.